LAMKTU 13:38 - Cho Bible Common Language 2016

^38-39 Phäi nau gui aw, nang mi am ning hmat sak gui hlü cu; Bawipa Jesuh awn katnak m’gein nak ah mawng ning m’thein nak gui la Ani yum ciah chang phung cu Moses ah thukhän naw kä ak phiawn hlawt ah hmakat nak nüng ung phiawn nak gah ci, ciah kyak ci.

LAMKTU 13:38 Referans Kwoze

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

1 JOHAN 2:12

Ka hta nau gui aw, nangmi cu Bawi Khrit ah mawng ung shetkat m’gein sei nak nami gah pyi ci kyasei, ca ka ning guk law gui ci nei.

LAMKTU 5:31

Israel chang gui ng’yu ba u netah ami kat ami phiawn nak vai ah, Khanpughi naw cun ah Bawipa cu, thawh ba sak netah akpat lam ung ang vaipi lah Hun Bawipa ah ngoh sak pyi ci nei.

KOLOSE 1:14

Ani ung phiawn nak mi gah ci, cun cu mi cheishoh nak ana m’gein gui ah kyak ci.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

LAMKTU 28:28

Paul naw a khüüp nak ah, “Cun ah kyasei hun phiawn nak ah mawng Khanpughi ah Thu Ni, changpakhui hei gui ah ma ah pyein khai ah chang cu tüih pyi ah kyasei, ngami naw ngai yak khai gui’ cicu nami hmat vai nei” cine m’thein gui ci.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

JOHAN 1:29

A ngawi ung Bawipa Jesuh a law Johan naw hmu netah, “Teng vä! Ani cu, khomdek khan ah hmakat nak hteh püi ciah Khanpughi ah Htome hta nei.”

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

LAMKTU 2:14

Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

EZEKIEL 36:32

Israel, kei naw nami hmat vai ah ka ng’yak hlü cu, kei naw shin gui shi nangmi ah phä ah ka bi ah kä kyak ci nei. Kei naw ka ng’yak hlü cu nami bilawh ah phäh ah nami thui hmai lüng’aa vai ah kyak ci nei. Kei, uktu Bawipa naw ka pyen nei.”

JEREMIAH 31:34

A u naw phi Bawipa hmat vai ah mawng apigaw-chang kä theithang khai, a i ah kyasei ci ung a hmaw pikbäih ungka naw ang vaipikbäih ung khüt sei, chang avan naw kei nah mat khai, kei naw ami katnak ka m’geinsei gui khai, ami cheishah nak kä ka shüm ba khai. Kei, Bawipa naw ka pyen nei.”

SAM 130:7

Israel gui Bawipa ung zumhtek vä, Ani ah m’hni nak cu ng’täi ci, ani naw ak phlüt ah ning hun gui hlük ci nei.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

SAM 32:1

A katnak m’geinsei nak om ci la, a cheishoh ng’yu ba ciah chang cu yeikyai nak om ci.

HEBRU 8:6

Cun ung tuhbäi Khanpughi la ak chang gui ah ng’lak ung Bawipa Jesuh naw a pyan ah thukhän cu, bä pi ciah shaitaak ung ng’yung ci kya ne, thukhän gui ah tah a bä pi ah mäih ah, Taigü ah kia ne Bawipa Jesuh ah bilawh gui cun phi, cun ah taigü gui ah bilawh gui ah mä bä pi ci nei.

ZEKHARIAH 13:1

Hlüngtai ciah Bawipa naw, “Cun ah khin a gawk law ung David ah htangshon la Jerusalem chang gui ah shekat nak la hmühma nak cu m’si nak vai ah tuilawng cu ng’hmawng lawk khai.

DANIEL 3:18

Cun ah kä ana hun gui ah a kyak ung phi, nang ghangpughang naw na hmat vai cu, kemi naw nang ah khanpughi kä kami khawihnah khai, nang ah na ng’lin ah ghui agup ah ma ah kä kami m’khuk dong khai nei” cik ci gui.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.