LAMKTU 13:36 - Cho Bible Common Language 2016

³⁶ David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

LAMKTU 13:36 Referans Kwoze

LAMKTU 2:29

“Phäi naü gui aw, ming shon law ung ang mingthang ciah David ghangpughang ah a mawng cu, ak dei ang dang ah ka ning m’thein gui khai nei. Ani cu si seih m’cim pyi ci gui, ani ah ng’cim hmun cu, tuk ngawi güt mi hmuh vai ah om ci.

1 GHANGPUGHANG GUI 2:10

David cu si sei David ah mang gaw ung k’phuh ci gui.

LAMKTU 13:22

Cun kawn ah Khanpughi naw Soul cu nawng ne David cu Israel ghangpughang ah m’düih ba ci, Khanpughi naw “Jesse ah hta David cu Ka m’lung am lawk ciah chang, Kei ah ng’yak hlü phung bik khai ah chang ah kyasei, ka hmu pyi ci nei” ci ne David ah mawng cu pyein ci.

2 SAMUEL 7:12

Nang na sih ung na pupa gui awn a täng ah ning m’cim ne, na hta gui ungka tumat cu ghangpughang ah ka pyang khai, ani ah uknak khaw cu khüi ghat khai.

1 SHONTÄP NAK 18:14

David naw Israel khaw avan uk ne, angtäi sei a chang gui cu bä ne taga khai ah om püi gui ci.

1 KORIN 15:18

Cun bäng ah kä kyak ciah Bawi Khrih yum ne sik ciah chang gui cun phi mäih yawp khai gui sü te.

1 KORIN 15:6

Cun kawn ah a hnu ah läk ciah chang phya hma naw a täng ah ami hmuh vai ah ng’dang ba ci. Cun ah chang gui ungka amshah a sih ung phi akda pi cu tuh güt ghing ci gui.

JOHAN 11:39

Phuh hmun cu lung awn khai ci gui. Bawipa Jesuh naw, “Lungnu cu m’hnawn vä” cik ci. Sik ciah pai Mahta naw, “tuhta läi thu lawk khai nei, asih nak hnüüp phli law pyi ci” cik ci.

SAM 49:14

Ngami cu htome ah mäih ah khomü sei sik ci gui, sih nak cu ngami ah htoshäm ah kyak ci. Ng’düng ci gui naw ngami cu näng gui sei, ami pumsa cu ang ghit ah thuka ne, ami im awn ng’shawng ciah sih nak ah kho ah gawk ci.

SAM 49:9

Mikmi naw ng’cim hmun ung na k’phiawn vai, angtäi ghin nak gah sak vai ah kä mi pe hlawt ci.

JOB 21:26

Cung phi chang avan cu a cun ah mäih ah si ne a cun ah mäih ah ng’cim ci gui; ami van cu m’kyiit naw vun gui ci.

JOB 17:14

Kei naw ng’cim hmun cu ka pa ah ka khü khai. Kei na ei khai ah m’kyiit gui cu ka nu la ka be ah ka khü khai nei.

2 SHONTÄP NAK 26:23

Uzziah cu si sei mang gaw ng’phuh hmun ung phuh ci gui. Cun ung phi a natnak om ci kyasei mang ah phuh hmun ung kä phuh ci gui. A hta Jotham cu ghangpughang ah kya ba ci.

2 SHONTÄP NAK 21:1

Jehoshaphat cu si sei David mang gaw, mang ah phuh hmun ung phuh ci gui. A hta Jehoram cu ani ah hnün ung ghangpughang ah kya ba ci.

2 SHONTÄP NAK 12:16

Rehoboam cu si sei David ah mang gaw, mang ah phuh hmun ung phuh ci gui, a htapa Abijah cu ani ah hnün ung ghangpughang ah kya ba ci.

2 SHONTÄP NAK 9:31

Ani cu si sei David ah mang gaw ung k’phuh ci gui, ani ah htapa Rehoboam cu ghangpughang ah kya lawk ci.

1 SHONTÄP NAK 17:11

Nang na sih ung na pupa gui awn a täng ah ning phuh ne, na hta gui ungka tumat cu ghangpughang ah ka kyak sak khai, kei naw a uk nak khaw cu khüighat khai ah ka k’pang khai.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

1 THESSALONIAN 4:13

Phäi nau gui aw, sik ciah chang gui ah mawng akcang cu kami ninghmat sak gui hlük ci nei. Cun ung vah nangmi cu ngaih u nak kä om ciah chang gui ah mäih ah thüisei nak kä om khai.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

LAMKTU 7:60

Ani cu m’khuukdoong netah, “Khanpughi awi, shin ah chang gui ah ami katnak cu m’gein gui ä” ci neh ak’aw m’can neh m’lau netah kät lawk ci. Saul cu Stephen ngawn vai ah yum tuk ciah chang ah kyak ci.

1 SHONTÄP NAK 11:2

Ayanä Saul cu mi ghangpughang ah akiak nak ung phi nang Israel chang gui ah ng’tuk bi nak ung ma na tawn ci, Bawipa na Khanpughi naw nang ung shai atak cu ani ah chang gui lam shüm gui ne, ami uktu ah na kyak vai ah kyak ci.”

1 SHONTÄP NAK 29:28

Ani cu anghtei ah ghi ne, bühmang ne, chang naw chang m’sui sei sik ci, a hta Solomon cu ghangpughang ah ngo ba ci.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

MATTHE 25:16

Cun kawn ah ani cu akho hei ah hteit ci. Ghui pit hma-kip gah ciah chang cu acun vai-am sumlei ne, ghui pit hma-kip ah khan ah pit hma-kip ak pawih khai ah gah ci.