LAMKTU 13:30 - Cho Bible Common Language 2016

³⁰ Cun ung phi Khanpughi naw ani cu sik nak ungka thawh ba sak ci.

LAMKTU 13:30 Referans Kwoze

LAMKTU 2:24

Cung ung phi ani cu sih nak naw shung neh kä m’khüt ci, Khanpughi naw sih nak ah hlüng tai nak ung ka’ phiawn neh thawh ba sak pyi ci.

LAMKTU 17:31

A i ah kyasei ci ung khomdek chang avan, ghü ne am düih pyi ah Bawipa awn, ng’düng ciah ng’thumcha nak vai ah hnüüp cu, ak bäi pyi ah hmawk ah kya ci. Cun ah abi law vai ah mawng cu, cun ah Bawipa sih nak ungka a thawh ba sak nak awn, khäng htek ciah saksi m’dang pyi ci” cine pyein ci.

MATTHE 28:6

Ani shin ung kä om ci, a cäu a pyein ah mäih ah tho ba pyi ci nei.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

LAMKTU 10:40

Cun ung phi Khanpughi naw ak hnüüp thum hnüüp thawh ba sak ne, dang ba sak ci.

LAMKTU 4:10

nang mi naw kut lam tung ung tai ne ngawn uk ci seih Khanpughi naw a thawh ba sak ah Nazaret Bawipa Jesuh Khrit ah hlüng tai ciah ang ming awn theek ne gai ne, nami ma ah ang düih cu, nang mi lah Israel chang van naw nami hmat khai nei.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

LAMKTU 3:13

Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

JOHAN 10:17

Kei cu ghin nak gah ba vai ah hmawk ah ka ghin nak ka pek ci kia sei, Kapa naw kei cu nam hni ci.

JOHAN 2:19

Bawipa Jesuh naw, “Shin ah pum im phi phye ne phlu vä, hnüüp thum ah kyong ung ka co ba khai nei” cik ci.

LAMKTU 13:34

Sih nak ungka a thawh ba ah mawng la ng’cim hmun ung kä a gawk ba phung vai ah mawng cu, Khanpughi naw; “David ah ma ah shai ka taak ah mäih ah, Nang mi am phi A theing la hriham cu ka ning pe gui khai, ci ne pyein ci.

LAMKTU 13:37

Cun ung phi Khanpughi naw sih nak ungka a thawh ba sak ah pumsa cu thukat nak kä om ci.