LAMKTU 13:22 - Cho Bible Common Language 2016

²² Cun kawn ah Khanpughi naw Soul cu nawng ne David cu Israel ghangpughang ah m’düih ba ci, Khanpughi naw “Jesse ah hta David cu Ka m’lung am lawk ciah chang, Kei ah ng’yak hlü phung bik khai ah chang ah kyasei, ka hmu pyi ci nei” ci ne David ah mawng cu pyein ci.

LAMKTU 13:22 Referans Kwoze

1 GHANGPUGHANG GUI 15:5

Cun ah Bawipa naw abi cu a i ah kyasei ci ung David naw ani ah yeikyai nak vai bi ne, Hittite chang Uriah chang ah mawng ah kawn ah, ani ah ah thumkhän kä läk nak api phi kä a om ah hmawk ah kyak ci.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

1 SAMUEL 15:26

Samuela naw, “Nang awn a täng ah kä ka hteit tu ba khai, nang naw Bawipa ah thumkhän na hnu ng’tuk püi ci, ani naw Israel ghangpughang ung ka ning hnu ng’tuk püi ci.

LAMKTU 7:46

David cu Khanpughi ah ma ah a hmai kiang ci kiah neh Jakob ah Khanpughi ah a om nak vai Taigüim cu Khanpughi naw a cawh sak vai ah ng’thäh ne taigü ci.

1 GHANGPUGHANG GUI 15:3

Ani phi apa ah mäih ah hmakatnak bik ci, ani cu apughi David ah mäih ah a Khanpughi Bawipa ung bekhüt nak kä om ci.

2 SAMUEL 7:8

Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

2 SAMUEL 2:4

Cun kawn ah Judah chang gui cu Hebron ah law u ne David cu Judah ghangpughang ah hmoh ci gui. David naw Kilead ung Jebesh chang gui naw Saul ami htüm cu ng’ya neta,

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

1 SHONTÄP NAK 10:13

Saul cu a i ah kyasei a sih ci ung Bawipa ung kä a bekhüt ah phäh ah kyak ci. Ani naw Bawipa ah thumkhän cu kä ngai ci: ani naw aksi gui ah mümcha gui cu ng’shi thäh gui ne lamshüm nak cu shui ci.

2 SAMUEL 7:15

Cun ung phi kei naw ani ka m’düih nak cu, Saul m’hnawn ne ka bi ah mäih ah kä ka la ba khai, cun ah kyasei nang cu ghangpughang ah na kyak ci.

1 SAMUEL 31:6

Cun cu Saul, a hta thum la chang nong ah sih ah mawng ah kyak ci; cu hnüüp ung Saul ah chang gui ami van sik ci gui.

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

1 SAMUEL 12:25

Cun ung phi katnak nami bi lä ah a kyak ung, nangmi la nami ghangpughang cu ning m’di gui khai,” cik ci.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.

JEREMIAH 33:21

A cun ah mäih ah kei naw ka changshäm David ung thukhän ka bik ci, angtäi sei ani ah htangshon cu ghangpughang ah kyak khai, levi pakhui taigü gui ung phi thukhän ka bik ci, ngami naw angfäi sei dab ii bik khai gui; cun ah thukhän cu kä shekak khai.

1 SAMUEL 28:16

Samuel naw, “A i ah kyasei, Bawipa naw ning nawng ne, na ga ah kya pyi khäta, kei na na khü ang?

LAMKTU 13:36

David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

1 SHONTÄP NAK 2:12

Obed, la Jesse,