LAMKTU 13:21 - Cho Bible Common Language 2016

²¹ Cun kawn ah ami ghangpughang vai ng’yoi u khä tah, Khanpughi naw Benjamin pakhui, Kisha ah htapa Soul cu khokum phli-kip ung ghangpughang ah kyak khai ah m’düih pe gui sei ani, maw kho kum phli-kip ung uk ci.

LAMKTU 13:21 Referans Kwoze

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

1 SAMUEL 15:1

Samuela naw Saul am, “Israel gui ah ghangpughang ah na kyak khai ah, nang cu ka ning m’shumphyuk khai ah, kei cu Bawipa naw a na tüih law ah kyak ci. Tuhbäi Bawipa Akhlüngtai naw a i a cicu ngai ä.

1 SAMUEL 11:15

Cun ah kyasei ami van Gilgal ah hteit u ne, a cu ah theing ciah hmun ung Saul cu ghangpughang ah ng’shäu ba ci gui. Ngami naw hmuh chum-khawihnah nak cu dou thak u ne, Saul la Israel chang avan naw cun ah mawng cu bik ci gui.

1 SAMUEL 8:5

Ngami naw ani am, “Teng ä! Nang na ghi lawk ci, na hta gui nang ah mäih ah kä kyak ci gui. Cun ah kyasei na uk gui khai ah ghangpughang na m’düih pe gui ä, cun ung a hei khaw gui ah mäih ah keimi ung ghangpughang om khai” cik ci gui.

1 SAMUEL 9:1

Khawh mah ne, aa mah ciah kish ming nak ciah chang tumat om ci, ani cu Benjamin pakhui ah kyak ci; ani cu Abiel ah hta, Zeror ah tu, Becorath kyong ung ka, Aphiah pa ng’pai ung ka ah kyak ci.

1 SAMUEL 9:15

Tuhbäi acu hnüüp ung Bawipa naw Samuel