LAMKTU 13:2 - Cho Bible Common Language 2016

² Cun ah chang gui cu Khanpughi ah taigü ne, ei hlawi ne ami om yah ung Mumcha Theing naw ngami am, “Kei ah ka bi bik khai goi ah Soul la Barnabas cu khän ne ghü goi vä” cine kyak na gui ci.

LAMKTU 13:2 Referans Kwoze

KALATIAN 1:15

Cun ung phi kei kä ka ng’tüi pha ge ung Khanpughi naw am gein nak awn na ghü ne, a khuut bi vai ah ana khü ah kyak ci.

LAMKTU 9:15

Bawipa naw ani am, “Hteit ä, cun ah chang cu, changpakhui hei gui, ghangpughang gui lah Israel chang gui am, keiah ming cu m’thein gui khai ah ka ghü ah kyak ci nei.

2 TIMOTHI 1:11

Khanpughi naw kei cu Thu Ni ng’shäu ciah ang düihpüi la saya ah anam düih ah kyak ci.

1 KORIN 12:11

Cun ung phi cun gui avan pek cicu Mumchabawi tumat bäng ah kyak ci: Mumchabawi naw, a mät ah ng’yak hlü ah, chang tumat ci am, m’cümhnah nak a hnga hnga cu yuk m’kyum law gui ci.

ROMAN 1:1

Khanpughi naw Thu Ni ng’shäu khai ah ghü ne am’düih, Jesuh Khrit ah chang shäm, kei Paul naw ca ka gu lawk ci.

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

LAMKTU 22:21

Bawipa naw, “Hteit ä, a shou nak ah om ciah chang pakhui hei gui ah, nang cu ka ning tüi khai nei” cine pyein ci” cik ci.

LAMKTU 14:26

Antiok ah gawk ba ci gui, Antiok cu tuk bäi ng’pyi khai ah bi a mi bi nak ung m’gein nak ami gah vai ah Khritha bum gui naw Khanpughi ah taigü ne ami ap nak gui ah kya ci.

DANIEL 9:3

Kei cu düng nak awn Bawipa Khanpughi ah ka taigü ci, ani ung ka ng’coi pak ci, ei ka hlawi ci, sui she sui ne m’vut ung ka ngok ci.

KOLOSE 4:17

Cun kawn ah “Bawipa ah khuut nami bi cu pyi hlah ne nami bi vai nei” cine Archippus-am nami m’thein vai nei.

LUKA 2:37

Ani cu tuhbäi a khokum cheit-kip-lei-phli law pyi ci. Ani cu amü ak hnüüp Taigüim ah om ne ei hlawi ne taigü ci.

1 SAMUEL 2:11

Elkanah cu Ramah pigaw a im ah law ba ci, cun ung phi ak hmaw Samuel cu Shilon ah om shüt ne, taigüpa Eli ah ka ah om ne, Bawipa ah bi bik ci.

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

EPHESIAN 3:7

A hlüngtai nak ah a bilawh nak awn Khanpughi naw ana peit ah ak küikyang ah m’cümhnah nak cu, Thu Ni ng’shäu ciah ak chang shäm ah ana pyan ah kyak ci.

LAMKTU 13:3

Ngami cu ei hlawi ne taigü u ne, ani khan ah ami kut taih neh taigü u netah Khanpughi ah bi bik khai ah tüi goi ci gui.

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

LAMKTU 10:19

Peter naw amik hmuh ah mawng a ngaih-tüh khit sang ung, Mumcha Theing naw, “Chang thum naw ning shui lawk ci gui nei,

LAMKTU 8:29

Mumcha Theing naw Philip am, “Ani ah om nak ah hteit neh a täng ah ng’gui püi ä” cine pyen nak ci.

MATTHE 9:38

Cun ah kyasei htangmguh khäm khai a tüih law vai ah, htangmguh nak ciah taigü vä,” cine ang düihpüi gui cu m’cäi gui ci.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

THULÄÄN NAK 10:8

M’htung pei ah Bawipa naw Levit pakhui chang cu Thukhän M’küm m’htei khai m’düh ci. Ani cu taigü ah kya ne akhuut bik ci. Ani ah ming ung hriham gah ah mawng ani naw ng’shäu ci. Shin gui cu ngami ah bi vai ah kyak ci.

HEBRU 5:4

A u naw phi amät naw amät cu taigütung ah käm düih hning ci. Khanpughi naw Aaron khü ne am düih ah mäih ah, Khanpughi naw khü ne am düih cun vah Taigü tung ah kya hning ci.

2 TIMOTHI 4:11

Luka bäng kei awn kani om ci nei. Makuh cu khü ne khah law püi baä, Ani cu kei ah bi nak ung na hun shawih hning khai nei.

2 TIMOTHI 4:5

Cun ung phi nang läi cu, a i chü ah a mawng ama na buiaut ung phi, na mät ngaihmah ne na om vai, geinvai nak na näng vai, Thu Ni cu ng’shäu ne na pyein vai, Khanpughi ah changshäm ah kya ne bi vai phung cu m’khüt näng ne na bi vai.

2 KORIN 11:27

Kei cu yaica bawngbai ne khuut ka bik ci; ih ah phi kä ka ip hlawt ci, tui ah ka gha ci, ei ah ka cawi ci; phü ne ei vai kä om ci, yii vai kä om ci, sui vai kä om ci

2 KORIN 6:5

Keimi cu tukthah nak, thawng chum nak, m’thüiplah nak kami gah ci; kä ng’düm ah bi kami bik ci kya ne, ih khin ei khin phi kä om ci.

1 KORIN 7:5

Nangmi naw k’taigü nak vai ah ng’dawt ne nami k’bäi ah akhin nami peit ah kawn ah, ng’chula goi ah ng’yak hlü cu kä nami ng’chei en sak vai nei. K’Taigü nak ang pyi kawn ah nami om man ah nami om ba vai nei. Cun ung vah nami m’lung cu htingling sak hlawt u ne Satan ah tüihtok nak cu nami m’khüt näng khai.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

ROMAN 10:15

Thu ng’shäu khai a u naw kä a tüih ung, a u naw thu ng’shäu ne pyein khai ang! Cacim theing naw, “Thu Ni yon lawk ciah thukpüi gui ah law nak cu ng’khän häih häih ci nei”,

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

LAMKTU 6:4

Keimi läi cu taigü nak lah Khanpughi ah ng’thu pyein nak awn akhin be khai ah kami bik khai” cik ci gui.

1 SHONTÄP NAK 16:4

David naw Levit gui cu m’düih gui ne, Thukhän M’küm ah ma ah ng’äi m’cu ne, m’hlüngtai ne, Israel Khanpughi Bawipa khawihnah nak ung tängpang sak gui ci.

LUKA 10:1

Cun kawn ah Bawipa Jesuh naw ang khah püi chang sing chih-kip-lei-goi cu ghü ba gui netah, chang sing goi ciah ng’khap sak gui ne, amät ah a hteh law nak vai ah pigaw gui ung tüi gui ci.

LAMKTU 4:36

Saipras khaw ah ka Levit ah ng’shon Josef, ang düihpüi gui naw barnabas (shawih khem tuk ciah ming ci) ah ami khü ah chang tumat cu om ci.

LAMKTU 13:4

Barnabas la Soul cu Mumcha Theing ah lam shüm ah mäih ah Seleucia gawnu ah gawk ni ne, cun ungka naw Saipras ah htinpaw awn hteit ci goi.

MATTHE 17:21

(Khoshe cu, taigü nak la ei hlawi nak ah kawn ah a i awn kä nami m’khüt khai nei),” cine pyen na gui ci.