Biblia Todo Logo
Bib sou entènèt

- Piblisite -




LAMKTU 13:19 - Cho Bible Common Language 2016

19 Ani naw Kanaan kho ungka changpakhui chih cu nawng gui netah, cun ah kho cu ak chang gui am khäm sak gui ci.

Gade chapit la Kopi




LAMKTU 13:19
16 Referans Kwoze  

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.


Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.


Kami pupa gui naw cun ah khaw-phung cu, ami pa gui ah kut ung do u neh Khanpughi naw ak täm gui ah om nak khaw ah, Joshua awn atäng ah ami tuk gui yah ung m’kawn neh hteh püi ci gui. Cun ah khaw-phung cu David ah uk yah ung khüt sei cun ah khaw ah om ci.


Taigü Eleazar, Nun ah hta Joshua, la Israel pakhui kyongchang ung ami ng’vaihta ui naw shin ah khaw k’bou gui cu, m’shüih tawk ne Bawipa ng’shithäh u neta, Shilon ung ng’pai ci gui, cun cu Bawipa ah om nak ah Phung ung valuh nak ah kyak ci. A cu cha ah ngami naw khaw ami ng’pai cu pyi phleh ci gui.


Shin gui cu Kanaan khaw Jordan tuinu ah akhei täng cu Israel chang gui naw a i hawkcha ah ami ng’pai ciah mawng ah kyak ci. Taigü Eleayar, Nun ah hta Joshua la Israel pakhui kyong chang ung ami ng’vai gui naw chang gui am k’pai gui ci gui.


Cun gui cu Shihon, Amorit ghangpughang: Ok, Bashan ghangpughang; Kanaan kho ah ghangpughang gui ami van ah kyak ci.


Ngami naw Kanaan khaw cu khäm ci gui; a cu ah om ciah chang gui cu nang naw na hnim gui ci. Nang naw na chang gui am, Kanaan ghangpughang la chang gui ah khan ah ami bi hlü ami bi vai ah huham na pe gui ci.


Nangmi naw Jordan tuinu kat ne, Jerikho ung nami gawk ci. Jerikho chang gui naw ning tu gui ci gui, Amorit, Perizzit, Kanaanit, Hittit, Kirkashit, Hivit, la Jebusit gui naw phi ning tu gui ci gui. Cun ung phi cun gui ami van ah khan ah näng nak ka ning pe gui ci.


Kei naw om ba ciah pakhui gui ah khaw phi, nangmi ah pakhui naw nami kaa nak vai ah ka ning pe gui ci, Kei naw ka näng pyi ah pakhui khaw avan phi ka ning pe gui ci, cun cu a kiangtäng ung Jordan tuinu ung khüt ne, akhei täng ung Mediteranean tuinu ung khüt ci.


Joshua naw ngami ah hmawk ah Bawipa ng’shi nak ah m’shüih tawk ci, cun kawn ah pawih ba ciah Israel pakhui päng am khaw avang ci pe gui ci.


Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.


Abram cu akchu Sarai la atu Lotah ni, a changshäm gui ni, a khawh cham gui ni pawng püi ne, Haran khaw ungka naw Kanaan khaw ah hteit ci. Ngami cu Kanaan khaw ah gawk u neta,


Heshbon la Aroer la ani pei zung ah ka gawnu gui ni, Arnon tuinu kem zung ah mang gaw gui avan cu Israel gui naw kum phia thum ung khäm ne uk ci gui. A i ah kyasei tuh güt kä na khäm ba ang?


Israel chang gui naw Egypt khaw ami hteh tak nak khokum phiaphli la cheit-kip nak, Solomon naw Israel a uknak akum phli nak ah, a cha goi nak, Ziv cha ung Solomon naw Taigüim cawh vai cu tün ci.


Ami ng’lung ah khaw k’bou ne, k’pai ne pe gui khai cu Bawipa ah kyak ci nei. Ngami cu cun ah khaw ung ang shon tä sei om khai gui nei, cun cu ngawi yä ngami ah ka ah kyak khai nei.


Swiv nou:

Piblisite


Piblisite