LAMKTU 13:17 - Cho Bible Common Language 2016

¹⁷ Israel chang gui ah Khanpughi naw mi pughi pa gui cu Egypt kho ah omk’tu ah kya ne ami om tu yah ung ghü gui ne pakhui mah ah am düih gui ah kya ci. A hlüngtai nak awn Egypt kho ah kaa k’plawk ba gui ne,

LAMKTU 13:17 Referans Kwoze

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

MIKHAH 6:4

Egypt khaw ungka ka ning law püi ba gui ci, khleihtein ungka ka ning gung gui ci, ning chuisaw gui khai ah Moses, Aaron la Miriam ka ning tüih law gui ci.”

AMOS 2:10

Kei naw Egypt khaw ah kaa ka ning law püi ba gui ci, khokum phlikip ung bung puk ka ning kaan sak gui ci, Amorit gui ah khaw cu nami kaa vai ah ka ning pe gui ci.

ISAIAH 44:1

Bawipa naw pyen ci, “Tuhbäi ngai vä, Israel gui, ka changshäm gui, ka ghü ah chang gui, Jakob ah hta ng’shon gui.

SAM 135:4

Ani naw amät ah hmawk ah Jakob cu ghü ne, Israel chang gui ci kaa na gui ci.

1 SAMUEL 4:8

Cun ah huham mah ciah khanpughi gui ung ka, a u naw na hun gui hning khai ang? Ngami cu bungpuk ah Egypt chang khli ngawn ci gui ah khanpughi gui ah kyak ci gui!

THULÄÄN NAK 14:2

Nangmi cu Bawipa nami Khanpughi naw ning khäm gui ci. Khomdek khan ung om ciah chang avan ungka, nangmi cu amät ah chang ah ning ghü gui ci.

THULÄÄN NAK 10:22

Nami pupa gui Egypt khaw ah ami hteh yah ung ami van cu chihkip bäng vah lawk ci gui. Cun ung phi tuhbäi Bawipa nami Khanpughi naw khomik ung aisi chü ah ning pyang gui ci nei.

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

THULÄÄN NAK 7:19

Nami mik awn nami hmu ah kyih vai ah leigai gui, cäi aih vai gui la cäicat vai gui, Bawipa nami Khanpughi naw a ning m’hlaat nak gui ah däm ciah a huham la ak thagui cu, nami shüm ba vai. Ani naw Egypt chang gui amdi gui ah mäih ah tuhbäi nangmi naw nami kyih gui ah chang gui phi m’di gui khai.

THULÄÄN NAK 4:37

Ani naw nami pupa gui m’hni gui ci, Ning ghü gui ci, dämduh ciah a huham awn amät naw Egypt khaw ungka ning law püi ba gui ci.

THULÄÄN NAK 4:34

Egypt khaw ah nangmi ah hmawk ah Bawipa nami Khanpughi naw abi ah mäih ah tha hlü ne hteit ne a hei pakhui khaw ungka chang la ba ne, amät ah chang ah pyang ciah Khanpughi om man ne ang? Nami mik awn nami hmuh vai ah ani naw dämduh ciah a huham la ak thagui cu mang ci. Ani naw leigai la ng’tuk nak law püi ci. Cäi-aih vai la cäicat vai gui bik ci, kyihkyawk vai gui kyak sak ci.

THULÄÄN NAK 4:20

Cun ung phi nangmi cu Egypt khaw mei k’cang ungka aning gun ba gui ah chang ah nami kyak ci. A tuhngawi ah mät ah chang ah a ning pyan gui vai ah aning law püi ba gui ah kyak ci.

PHYAWN NAK 18:11

Bawipa cu khanpughi gui avan nah däm pi ciah tuhbäi kei naw ka hmat ci nei. Israel gui cu Egypt gui naw shin ah ami shedam nak gui yah ung, ani naw a bi ah kyak ci nei” cik ci.

PHYAWN NAK 13:16

Shin cu m’shüm thein nak ah kyak khai, Mi kut ung, kä cung mi m’calai ung na khit gui ciah mäih ah kyak khai. Bawipa naw dämduh ciah a huham awn Egypt khaw ungka ana plawk ba gui cu a shin naw na shüm sak gui lä khai” cik ci.

PHYAWN NAK 13:14

Ngawi ah shin ah mawng gui cu a i hawkcha ang, cine nami hta gui naw ami ning shi gui ah a kyak ung nami m’thein gui vai cu, ‘Bawipa naw dämduh ciah a huham awn, changshäm ah kyak nak Egypt khaw ah kaa, nak plawk ba gui ci.

PHYAWN NAK 12:51

Cun ah hnüüp ung Bawipa naw, Israel pakhui gui cu Egypt khaw ungka k’plawk ba gui ci.

PHYAWN NAK 14:8

Bawipa naw ghangpughang cu ling sak ci, ani naw näng nak awn hteit ciah Israel gui cu k’täm law gui ci.