LAMKTU 13:16 - Cho Bible Common Language 2016

¹⁶ Paul naw ng’düi law ne a kut awn nüt netah thu a pyein cu: “Israel chang gui la Khanpughi yum ciah khui hei chang gui, ngai yawp vä!

LAMKTU 13:16 Referans Kwoze

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

LAMKTU 13:26

“Abraham ah hta ng’shon ah kyak ciah phäi nau gui la Khanpughi yum ciah changpakhui hei gui aw, Khanpughi naw hun nak ah Thu k’ni cu mikmi ah gawk law sak ci.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

THU PHLAAN 2:29

“Khrithabum gui-am Mumcha naw am thein gui cu, nami hnga a om ung ngai ne nami ng’yak vai nei!

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

THU PHLAAN 2:11

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang gui cu akhnih vei nak sihnak phiawn nak khai gui nei.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

LAMKTU 22:22

Chang gui naw Paul ah thu cu shin ah thu a pyein güt ngai u netah, “shin ah chang m’dek khan ah kä om tu ba sä, ngawn vä, a ghin tu ba ah kä nik ci nei” cine m’lau ne ng’pyang ci gui.

LAMKTU 21:40

Gaakap bawi naw yum sei, Paul cu khlaak ung ng’düi netah, chang gui ami dingkyiip vai ah a kut awn nüt ci. Chang gui dingkyiip yawp u khätah Paul naw Hebru ng’thu awn: shicha pyein ci.

LAMKTU 19:33

Judah chang gui naw Alexander cu k’hma ne hteh sak u khätah, shin ah a mawng cu ani ah awm ah chang amshah naw mgai ci gui. Alexander naw chang gui ak ding ah ami om vai ah a kut awn nüt gui ne, a mawng ama m’thein gui khai ah k’tha nak ci.

LAMKTU 13:46

Paul la Barnabas naw ayan kaa ah tah thamah nak pi awn,” Ak htük bäih ah keimi naw Khanpughi ah thu ni cu kami ning m’thein tu gui ci, Cun ung phi nang mi naw cun ah thu cu hnu nah ne, ang täi ghin nak awn kä nami khin thäk tuk ciah nami k’bäi pyi ci nei. Cun ah kyasei keimi cu, nangmi ungka ng’düi law ba ne chang pakhui hei gui ah om nak ah kami hteit khai nei.

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

LAMKTU 3:12

Peter naw chang gui cu hmu gui ne tah, “Israel chang gui, a i ah kiak sei nami cäicat ang? a i ah kiah seih kei mi cäicat ne na mi na teng gui ang? kami mät ah hlüng tai nak lah m’khüt näng nak awn, shin ah chang kami gai sak ciah nami ngai ci ma?

LAMKTU 2:22

“Israel chang gui kei ah ng’thu cu ngai yawp vä, Khanpughi naw cäi aih gui vai lah ngaih khit gui vai ah Nazaret chang Bawipa Jesuh ah m’khüt näng nak cu ani awn m’dang pyi ci nei. Cun ah amawng gui cu nami ng’lung ah ng’dang pyi ci kiah seih nami van naw nami hmat yawp pyi ci.

LAMKTU 2:14

Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai.

LUKA 1:50

Ani m’tamkhah ci gui ah khan ah ang shon päng ung am gein nak cu dang sak ci.

MATTHE 11:15

Cun gui cu ak hnga om ci phung naw ngai ne ng’ya u sä.

SAM 135:20

Bawipa cu m’tam vä, Levit chang gui; Ani khawihnah ciah chang van naw ani cu m’tam vä!

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

SAM 67:7

Khanpughi naw hriham na pe gui ci nei, kho nü ung chang van naw ngak sä.

1 GHANGPUGHANG GUI 8:40

Cun ung nang naw kami pupa gui am na pek gui ah khaw ung ami om ah chuih, na chang gui naw nang thu cu akhin avan ung ngai khai gui.

LUKA 23:40

Ahei changshe tumat naw, “Nang Khanpughi cu kä na kyih ci ma? Nikni cu ani mäih ah m’kat nak ni gah ung phi;

LUKA 1:22

Ani cu a luh law ba ung kä ng’thu ba thei ci. Cun ah kya sei ngami naw Taigüim kyong ah mikhmuk ciah ah hmat ci gui. Kä ng’thu ba thei netah a kut awn nüt püi gui ci.