LAMKTU 13:15 - Cho Bible Common Language 2016

¹⁵ Moses ah thu khäm la prophet gui ah ca guk gui cu ami phat pyi kawn ah, Pum im ung ang vai gui naw, “Phäi nau gui aw, chang gui ah thamah nak vai thu nami pyein vai a om ah a kyak ung, nami pyein vai kami yaak hlük ci nei” cine chang tüi law ne pyein lawk ci gui.

LAMKTU 13:15 Referans Kwoze

HEBRU 13:22

Phäi nau gui aw, shin ah k’tha peit nak cu hnimgei ne nami ngaih vai ah ka ning paa nah gui ci nei. Tuhbäi ca ka ning guk law gui cu kä ng’sau aih hnga ci nei.

LAMKTU 15:21

A i ah kyasei ci ung, cau ä tün ne, apigaw päng pum im gui ung, kyin hnüüp phung ung Moses ah thukhän gui cu phat ne, thu awn phi pyein lä ah kya ci” cine pyein ci.

MAKUH 5:22

Tuikem ung a om yah ung Zairus ming nak ciah pum im uk ciah chang vai tumat cu gawk lawk ci.

1 KORIN 14:3

Cun ung phi Khanpughi ah ng’thu ng’shäu ciah chang cun naw, chang gui ng’thu püi gui ne, m’hteihtang nak gui, m’shümthein nak gui, shungvong nak gui ah ng’thu pyein ci.

ROMAN 12:8

Chang gui k’thamah nak peit nak gui vai a kyak ung, mi pe gui khai. Chang am pektaak ciah chang naw, ng’khai ng’lang nak awn a pektaak vai, huham om sei ng’vai pi ci naw k’tha nakcang ne abilawh vai; geinvai ciah chang m’gein tuk ci naw m’lung gei yeikyai nak awn am hteihtang tu vai.

LAMKTU 22:1

“Israel chang nupa phäi nau gui aw, tuk bäi ka mät ah mawng phlehphlang ne ka pyein lawk khai na ngai tu vä!

LAMKTU 18:17

Ngami naw pum im uk ciah Sosthenes cu pha u netah yung düma ah tuthat ci gui. Cun ung phi Kallio naw i ah kä sui gui ci.

LAMKTU 13:27

Jerusalem ung om ciah chang gui la ami ng’vai gui naw cun ah Bawi cu Hunbawi ah a kyak kä hmat ci gui, kyin hnüüp päng ung ami phat ah prophet gui ah ca guk ah a mawng phi kä hmat ci gui. Cun ung phi ngah mi naw prophet gui ah ng’thu pyein a bä vai ah cun ah Bawi cu ngawn pyi ci gui.

LAMKTU 20:2

Ani cu cun ah kho ah yum ciah chang gui cu hteit shüi shüi ne thagui pe gui netah Achaia kho ah hteit ba ci.

LAMKTU 18:8

Pum im uk ciah Krispus ming nak ciah chang la ak kyong ung kaa gui cu Khanpughi yum tuk ci gui. A hei Korin chang akda gui cun phi Thu Ni ng’ya tu ne yum tu u ne, tui hnim ci gui.

LAMKTU 15:7

Ak shou ami pyein kawn ah Peter naw ng’düi law netah, “Phäi nau gui aw, Khanpughi naw kei cu changpakhui hei gui naw ami yum tu vai ah Thu Ni ka pyein khai ah, ayan pui nangmi ungka kei a na ghü cu nami hmat pyi ci,

LAMKTU 7:2

Stephen naw, “Phäi nau gui lah Pa ng’vai gui aw, nang ngai vä, mi pughi Abraham cu Haran khaw ah hteit ne kä a om pha ung Mesopotamia ah a om yah ung hlüng tai ciah Khanpughi cu ng’dang netah,”

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

LAMKTU 2:29

“Phäi naü gui aw, ming shon law ung ang mingthang ciah David ghangpughang ah a mawng cu, ak dei ang dang ah ka ning m’thein gui khai nei. Ani cu si seih m’cim pyi ci gui, ani ah ng’cim hmun cu, tuk ngawi güt mi hmuh vai ah om ci.

LAMKTU 2:4

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

LAMKTU 1:16

Cun kawn ah Peter cu ng’düi law ne tah, “Phäi näu gui aw, Bawipa Jesuh phak khai gui am, lam shüm gui ciah, Judas Iskariot ah mawng ca ng’cim ung om cicu küm pyi ci nei. Cun ah ca ng’cim cu Mumcha Theing naw David ah ng’thu awn a pyein ah kyak ci.

LUKA 16:16

Tuihnim Johan kä a ng’dang pha ung Moese ng’thukhän gui la profet gui ah cacim gui cu kümbe te ci. Johan ang dang kawn ah tün ne, Khanpughi ah uknak ah mawng ng’Thu Ni cu pyein sak law ah kyak ci. Chang akda gui Khanpughi ah uknak kho ah ng’gut ne lut lawk ci gui.

LAMKTU 4:36

Saipras khaw ah ka Levit ah ng’shon Josef, ang düihpüi gui naw barnabas (shawih khem tuk ciah ming ci) ah ami khü ah chang tumat cu om ci.

2 KORIN 3:14

Israel chang gui ah m’lung cu ng’khai ci, tuhngawi güt ung thukhän phyim cu ami phat ba phung ung ami m’lung cu, cun ah tampu naw shung gui ci. Bawi Khrih ung ghing ciah chang bäng naw vah cun ah tampu cu liim hlawt ci.

1 THESSALONIAN 2:3

Keimi naw hmakat nak, kä ng’cim ciah m’lung ngaih la kä ng’düng ciah ng’bü nak awn kami ning m’cäi gui ciah kä kiak ci.