LAMKTU 13:11 - Cho Bible Common Language 2016

¹¹ Nang cu a tuk bäi Khanpughi naw ning m’di sei na mik m’dauh khai, khokum ak shou khohni kä na hmu tu ba khai,” cine tam ci. A cun vai am k’ce Elimas cu amik le naw shung ne mü sei, a kut ung k’pang ne khah tu püi khai cu shui yap ci.

LAMKTU 13:11 Referans Kwoze

SAM 32:4

Bawipa, amü a hnüüp kei cu na nam kyuk ci nei; ka thagui cu avan ket yawp ne, chakho ah m’hutui a kawi ah mäih ah kyak ci nei.

PHYAWN NAK 9:3

kei naw ka ning m’kyuk khai, na seime gui avan-ng’se gui, la gui, kala uk gui, seipat gui, hto gui me gui ah khan ah kyihkyawk vai ah leigai ka yuk chah khai.

HEBRU 10:31

Ghin ciah Khanpughi ah kut khui ung kyumkiak cu kyihkyawk aih vai ah kyak ci nei.

1 SAMUEL 5:11

Cun ah kyasei Philistin ghangpughang ami van gui khü ba mä u neta, “Israel gui ah Thukhän M’küm cu amät ah hmun ung tha ba vä, cun ung acun naw mikmi la mi kyong ung ka gui kä na ngawn ba gui khai” cik ci gui. Mang gaw avan ung düngkyong nak om ci, a i ah kyasei ci ung Khanpughi naw tä khüt aih khai ah am kyuk gui ah hmawk ah kyak ci.

2 PETER 2:17

Cun ah chang gui cu tui ket ciah hmawilawng ah mäih, khokhi naw k’phyit ne a yon ah khong mei ah mäih ah kyak ci gui. Khanpughi naw ngami ah hmawk ah ak hmüp nak pi bäih ah hmun cu taak pe gui ci.

JOHAN 9:39

Bawipa Jesuh naw, “A mik m’dauh gui, ami mik m’dei ne amik m’dei ci gui ami mik m’dauh khai ah m’khoichaa nak ka bik khai, khomdek khan ah ka lawk ci” cik ci.

JOB 19:21

Ka teihpüi gui aw kei cu nam gein vä, Khanpughi naw kei cu na tuthat pyi ci nei.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

LAMKTU 9:17

Cun ah kyasei Ananias cu Soul ah om nak tu ah im ah hteit netah, ak khan ah a kut taih ne, “Ka nau Soul awi, na mik am dei ba vai lah, Mumcha Theing awn na be vai ah hmawk ah, na law nak lam ah na ma ah ng’dang ciah Bawipa Jesuh naw kei cu ana tüih law nei” ci neh pyein ci.

ISAIAH 29:10

Bawipa naw nami ngam khai ah ning ci gui ci nei, nami ip hniim law ge khai nei. Prophet gui cu chang gui ah mik ah kya khin te ci gui, cun ung phi khanpughi naw ami mik m’shin sak gui ci nei.

SAM 38:2

Nang naw na m’la awn na k’phleim ne, na nat sak ne, na na k’beeih taam ci.

2 GHANGPUGHANG GUI 6:8

Siria ghangpughang cu Israel awn ng’tuk ci gui. Ani naw a bawi gui ng’ge püi gui neta, phung ami tuk nak vai ah hmun cu ghü ci.

1 SAMUEL 5:9

Cun ung phi cun a gawk awn ah Bawipa naw cun ah mang gaw cun phi m’kyuk ne, akdämduh ah düngkyong sak gui ci. Ani naw sa ng’khe nak awn m’kyuk gui sei, mang gaw ung chang avan aghi ak hmaw gawk yawp ci.

ATÜNNAK 19:11

Cun kawn ah cun ah chang gui cu ami mik m’dauh sak gui ni sei, ngami naw m’kawt kä hmu hlawt ci gui.