LAMKTU 13:1 - Cho Bible Common Language 2016

¹ Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

LAMKTU 13:1 Referans Kwoze

LAMKTU 4:36

Saipras khaw ah ka Levit ah ng’shon Josef, ang düihpüi gui naw barnabas (shawih khem tuk ciah ming ci) ah ami khü ah chang tumat cu om ci.

LAMKTU 15:35

Paul la Barnabas cu Antiok gawnu ah om shou ni ne, Bawipa ah thu ni cu chang hei gui awn a täng ah m’theithang pyeinsak ci goi.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

LAMKTU 13:9

Cun ah kya khä tah Paul ah phi ming ciah Soul cu Mumcha Theing awn be ne k’ce cu kheing ne teng netah,

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

LAMKTU 15:32

Judas la Silas cu ma lam ah a mawng hmat ci gui ah prophet ah kya ni ne, akhin ak shou ung yum ci gui am pumsa thagui mümcha thagui khän nak la thamah nak pe gui ci goi.

LUKA 3:1

Ghangpughang Tiberius ah uknak khokum gha-lei-hma alaw sangung Pontius Pilat naw Judea uk ci. Herod naw Kalile uk ci, a nau Philip naw Iturea la Trachonitis uk ci, Lisanias cu Abilene uktu ah kyak ci,

PHILIPPIAN 4:22

Khanpughi ah chang gui ami van naw ning yavaih gui ci gui nei; Ghangpughang ah mang im kyong ah om ci gui ah Khritha gui naw ak tung pi ah ning yavaih na gui ci gui nei.

KALATIAN 2:13

A hei Jew khritha gui cun phi Peter ah mäih ah pyai law shüi shüi u sei, Banabas hngaw naw läk law tu gui ci.

1 KORIN 9:6

Kei la Barnabas bäng naw kani ghin nak vai ah hmawk ah bi kani bik khai maa?

ROMAN 16:21

Kei awn a täng ah kani bik ciah Timothi la kei ah mäih ah Jew chang ah kyak ciah Lucius, Jason la Sosipater gui naw phi Khritha yavaih na gui ci gui nei.

LAMKTU 21:9

Ani ung kä ceimah phak ciah a hta hnumi phli om ci. Ngami cu Khanpughi ah Thu Ni ng’shäu ne pyein ci gui ah kya ci.

LAMKTU 19:6

Paul naw ami lu khan ah a kut taih khäh tah Mumcha Theing cu ami khan ah gawk law sei kä hmat ah thu pyein u ne, Khanpughi ah thu phi pyein ci gui.

LAMKTU 11:30

Cun ah k’bäi u netah Jerusalem Khrithabum a gham gui am ami peit taak ah ngui gui cu, Barnabas la Soul am m’khäh gui ci gui.

1 THESSALONIAN 5:20

Mumcha Theing awn ak phyutheh ah küikyang ciah thu cu kä nami päipih vai.

LAMKTU 12:25

Barnabas la Soul cu ani bi ng’pyi law sei Johan Makuh khah püi ne Jerusalem ah law ba ci goi.

LAMKTU 9:1

Cun ah akhin ung Soul naw Bawipa ah hnu läk ci gui cu, ngawn pha gui vai ah pawng püi ci. Ani cu taigü tung ah hteit natah,

MATTHE 27:32

Ngami naw ami hteh püi nak lam ah Sairin kho ah kaa, Simon ming nak ciah chang tumat cu hmu u netah, ani cu ang cet ah khü u ne, Bawipa Jesuh ah kutlamtung cu kawh sak ci gui.

1 KORIN 11:4

Khawihnah nak ung alu uk ne taigü ci, kä cun ung ng’Thu pyein ciah pami cu Bawi Khrih ng’yo m’sho ciah kyak ci.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

1 KORIN 13:8

M’Hni nak cu langtäi ci. Kümbe ciah thu thei nak, küikyang ciah thu a hlü hlü pyein nak, thuuk ciah hmuhmat nak gui cu maih yawp khai nei.

1 KORIN 14:29

Khanpughi naw ng’thu a pyein sak ah chang hnih naw baw, thum naw baw, ng’thu pyein khätah k’pawih ba ci gui naw ng’thumcha ne ngaih tüh u sä.

1 KORIN 14:32

Khanpughi ah thu ng’shäu nak ah m’cümhnah nak gah ciah chang naw a mät thu a khäm vai;