LAMKTU 12:5 - Cho Bible Common Language 2016

⁵ Cun ah kya sei Peter cu thawng ung chum ci gui. Cun ung phi khrithabum gui naw ami m’lung m’hlün ne Khanpughi ah taigü pek ci gui.

LAMKTU 12:5 Referans Kwoze

1 KORIN 12:26

Pumsa ah ang phyeekpai tumat a yaica ah a kyak ung, a hei gui ami van yaica yawp ci gui; pumsa ang phyeek pai tumat m’hlüngtai nak a om ah a kyak ung, a hei gui ami van yei kyai yawp ci gui.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

1 THESSALONIAN 5:17

ak phlüt ah taigü vä,

2 KORIN 1:11

Nangmi naw keimi cu taigü nak awn nami nam htei gui vai. Nangmi akda naw nami k’taigü cu Khanpughi naw ngai ne, keimi cu hrilham na pe gui khai. Chang akda naw keimi ah hmawk ah ami k’aw m’hlaw ne, Khanpughi cu m’hlüngtai khai gui.

MATTHE 18:19

“Kei naw akcang ka pyein cu khomdek khan ung chang hnih hta naw phi yum ne, a täng ah nami taigü ung khankho ah om ciah Kapa naw nami ng’yoih phung cu ning pe gui khai.

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

LAMKTU 12:12

Cun ah a hmat law ba kawn ah ani cu Johan Makuh ah nu Mari ah im ah hteit ci. Cun ah im ah chang akda ng’cut ne taigü ci gui.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

LAMKTU 12:4

Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.

LAMKTU 12:6

Herod naw Peter cu chang gui ah ma ah kä a k’plawk pha ah kho mü ät ung, Peter cu ngäng ciah gaakap hnih ang lak ung ip ci. Ani cu m’si gui hnih awn khih u ne, thawng m’kawt pei ah phi gaakap gui naw ngäng ci gui.