LAMKTU 12:4 - Cho Bible Common Language 2016

⁴ Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.

LAMKTU 12:4 Referans Kwoze

LUKA 22:33

Peter naw, “Bawipa, kei cu nang awn, thawng na kium ung phi atäng ah ka kium vai, m’htei na hteh ung a täng ah ka hteh vai ah ka yum ci nei” cik ci.

NG'THU K'THUUK~ 19:21

Chang gui naw a hlü hlü ah pawng püi ci gui. Cun ung phi Bawipa ah ng’yak hlü naw pyi phleh ci.

LUKA 21:12

Cun gui kä a gawk law pha ung chang gui naw ning pha gui ne, ning dukdeiu na gui khai gui. Pum im ah m’khoichaa vai ah ning ap gui u ne, thawng ung ning chum gui khai gui. Nangmi cu kei ah hmawk ah ghangpughang ah ma, bawi ah ma ah nami gawk khai.

LAMKTU 4:28

Cun ah ami bum cu na hlüng tai nak lah nang yak nak hlü awn nak bäi pyi gui a khüm be nak vai ah kyak ci nei.

LAMKTU 4:3

Cun ah kiah seih ngah ni cu pha gawi u ne acun hnüüp kho mü khätah a ngawi ung, khaw ngawi güt thawng ung chum gawi ci gui.

JOHAN 21:18

Kei naw akcang ka pyein cu; nang cu nak hmaw yah ung ng’düi law ne na hteh nak hlü ah na hteit man ci, cun ung phi nang cu na ghi law ung na kut vang goi vei k’shäng ci sei chang naw ning khitpawng ne, kä na hteh nak hlü ah ning hteh püi khai” cik ci.

MATTHE 26:5

Cun ah chang gui naw, ‘Chang gui thüngphyong püipawng vai u sei, pawi ah kyong ung kä pha vai’ cine kyak ci gui.

MATTHE 24:9

“Cun kawn ah chang gui naw nangmi cu ning pha gui u ne ami ning m’kat gui vai la ami ning ngawn gui vai ah ning ap gui khai gui. Chang gui naw kei ah hmawk ah ning gen gui khai gui.

NG'THU K'THUUK~ 27:1

Ngawi ung ah phä ah kä khähghah vai, heng ung ngawi ung a i ah akyak vai cu nang naw kä na hmat ci.

ESTA 3:13

Ca tei ci gui naw cun ah ng’shäu nak cu uknak khaw khopäng avan ung tei ci gui. Cun ah ca ung, Adar cha, a hnüüp gha lei thum nak hnüüp ät bäng ung Jew gui avan — a hmaw ang vai, hnumi nau sen — gui cu ngawn gui vai. Cun gui cu kä m’gein en gui ah ngawn gui ne, ami khawh gui cu lak yawp vai.

LAMKTU 8:3

Cun ung phi Soul naw khrithabum gui cu m’di gui vai ah k’tha nak ci. Ani cu a im tung päng ung hteit neh, hnumi, pami sawkaih gui neh thawng ung chum gui ci.

LAMKTU 5:18

Ngami naw ang düihgui cu pha gui ne, thawng ung chum gui ci gui.

JOHAN 19:23

Gakap gui naw Bawipa Jesuh cu kutlamtung ung tai ne, ami ngawn kawn ah a suisak cu k’phli ah k’pai ne lak ci gui. Cun kawn ah a suinu phi lak ci gui. Cun ah suinu cu chui gui kä om khai ah tah ah kyak sei gakap gui naw, “Kä k’teek-en vä, m’shüih tawk ne mi lak khai nei” cik ci gui.

NG’ÄI KYAH 3:37

Bawipa ah ang yak hlü cu angtäi sei kawh chan nei.

PHYAWN NAK 12:1

Bawipa naw Egypt khaw ah Moses la Aaron cu ng’thu püi goi ci;

MAKUH 14:1

Phyawn nak pawi la k’caw kä shum ne m’htut den nak ah pawi a gawk law nak vai hnüüp goi m’hni ba khätah, taigüpa gui la thukhän saya gui cu Bawipa Jesuh adüm ah pha ne ngawn nak vai ah lam shui ci gui.

LAMKTU 12:3

Cun ah a mawng Jew chang gui naw ami ng’yaak hlü hmat netah Peter cu pha ne khit ci. (Cun ah khin cu k’cow kä shum ne m’htut den ah pawi khin ah kya ci.)

LAMKTU 12:5

Cun ah kya sei Peter cu thawng ung chum ci gui. Cun ung phi khrithabum gui naw ami m’lung m’hlün ne Khanpughi ah taigü pek ci gui.