LAMKTU 12:3 - Cho Bible Common Language 2016

³ Cun ah a mawng Jew chang gui naw ami ng’yaak hlü hmat netah Peter cu pha ne khit ci. (Cun ah khin cu k’cow kä shum ne m’htut den ah pawi khin ah kya ci.)

LAMKTU 12:3 Referans Kwoze

PHYAWN NAK 23:15

Abib cha, Egypt khaw nami hteh taak nak ah cha ung, K’caw kä shum ah m’htut awn mang ei pawi cu, kei naw ka thumkhän ah mäih ah nami bi vai. Cun ah hnüüp chih pawi ah kyong ung k’caw shum ah m’htut phung kä nami ei vai. Douthak vai a i kä law püi ah law ne kei cu kä nami na khawihnah vai.

LAMKTU 24:27

Cun kawn ah khokum goi lüng khä tah, Felix ah hnün ung Porcius Festus cu Gawmang ah kya lawk ci. Felix cu Judah chang gui naw ami chang m’sui vai ng’ya hlü netah, Paul cu thawng ung chum lä shüt ci.

JOHAN 12:43

Ngami cu Khanpughi ah m’tamkhah nak ah mä, chang ah m’tamkhah nak cu m’hni pi ci gui ah kyak ci.

LAMKTU 25:9

Festus cu Judah chang gui ah chang m’sui nak ng’ya hlü netah, “Nang cu Jerusalem ah ning hteh püi netah kei naw ka ning ng’shi vai na yum khai ang?” cine Paul cu ng’shik ci.

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

LAMKTU 20:6

K’caw kä shum ah m’htut den nak ah pawi ng’pyi khä tah keimi cu Philippi ah kaa htinpaw awn law u ne, hnüüp hma lüng khä tah ngahmi ah om nak Troas ah ka mi gawk law ci. A cu ah hnüüp chih kami om tuk ci.

1 THESSALONIAN 2:4

Khanpughi naw ang yak hlü ah ana ng’thu sak gui ah mäih ah keimi angtäi sei thu kami pyein ci; a i ah kyasei ci ung ani awn ng’müi ne ng’Thu Ni awn ng’ap vai ah a nam khoi m’cha gui pyi ah hmawk ah kyak ci. Keimi cu chang naw ana yei nak gui vai ah kä kami k’tha nak ci, kami m’lung kyong nam nüm gui ciah Khanpughi naw ana yei nak gui vai ah kami tha nak ci.

JOHAN 21:18

Kei naw akcang ka pyein cu; nang cu nak hmaw yah ung ng’düi law ne na hteh nak hlü ah na hteit man ci, cun ung phi nang cu na ghi law ung na kut vang goi vei k’shäng ci sei chang naw ning khitpawng ne, kä na hteh nak hlü ah ning hteh püi khai” cik ci.

JOHAN 19:11

Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.

MATTHE 26:17

K’caw kä shum ah m’htut ei nak ah pawi tün nak ah hnüüp ung ang düihpüi gui cu Bawipa Jesuh ah pei ah law u netah, nang Bawipa ah hmawk ah Passakha mü-ei cu a hawi ah pyan vai ang? cine ng’shik ci gui.

SAM 76:10

Chang ah m’lung she nak naw ning m’hlüngtai khai nei; Ng’tuk nak ung k’pawih ci gui naw na pawi bik khai gui nei.

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

LAMKTU 2:14

Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai.

LAMKTU 12:4

Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.