LAMKTU 12:23 - Cho Bible Common Language 2016

²³ Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

LAMKTU 12:23 Referans Kwoze

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

SAM 115:1

Nang bäng ung, O Bawipa, Nang bäng ung, keimi ung ah kä kyak ci, Na bämang nak cu om khai nei, a i ah kyasei ci ung ng’täi ciah nam hni nak la na bekhüt ah hmawk ah kyak ci.

1 SAMUEL 25:38

Hnüüp gha hlawk lüng khäta Bawipa naw Nabala cu hnim sei sik ci.

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

ISAIAH 66:24

Ngami ami hteh ba ung, kei na hnungtuk küknet püi ci gui ah ami gook gui cu hmuk khai gui. Cungui ei ciah m’kyiit gui cu kä ci phung khai gui, cun gui ui ciah mei phi kä phät phung khai. A cun gui hmuk ciah hnicim chang avan cu shemshai gui khai. Prophet Isaih ah caa gui ng’pyi ci.

ISAIAH 51:8

Ngami cu m’kyiit ah ei ah sui ah mäih ah akholä ah kyak khai gui nei! Cun ung phi kei naw ka law püi ah humhtei nak cu khong län ung om khai nei. Kei ah ka näng nak cu akhin avan ung om khai nei.”

PHYAWN NAK 12:29

Khaw cawih ding ah Bawipa naw Egypt khaw ah ami htahtük gui avan cu ngawn gui ci. Mang im ung ghangpughang ah hta ung tün ne, thawng im ung thawng kyum ah hta ung khüt ci la seime gui ah ami htahtük gui phi ngawn gui yawp ci.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

ISAIAH 14:11

Nang cu tingtäng tum ne m’hlüngtai nak na gah man ci, cun ung phi tuhbäi, shin ung sihnak ah khaw ung na om ci nei. Nang cu m’kyitzawp ah ih khan ah ng’zän ne, cakaw ah kyak ciah yih na khuih ci nei!

JOB 19:26

Kei ah ka vun la ka sa gui cu nat nak awn athukat ung phi, a shin ah ka pums awn Khanpughi cu ka khawihnah khai nei.

JOB 7:5

Ka pumsa cu m’kyit bäng ah kyak ci; khei bäng naw küm ci; Kei ah ka khei gui cu ngaih u vai kä om sei ng’pyi ci.

2 SHONTÄP NAK 32:21

Bawipa naw khanchang tüi law sei, acun naw gakap gui la Assirian gabawi gui cu ngawn gui ci gui. Cun ah kyasei uktubawi cu thüi aa ne Assiria ah htet ba ci. Hnüp ät ung ani cu a khanpughi ah Taigüim ung a om yah ung a hta gui amshah naw ami khim awn ngawn ci gui.

2 GHANGPUGHANG GUI 19:35

A cu mü Bawipa ah khanchang cu Assirian phung ah hteit ne Assirian gakap 185, 000 cu ngawn gui ci. A ngawi khaw thaih ung a cun ung ami van si ne ng’yän ci gui!

PHYAWN NAK 12:23

Bawipa naw Egypt gui ngawn gui khai ah Egypt khaw ah a law ung, m’kawt ung la m’kawt khan ung nami hluk ah si cu ani naw hmuk khai, cun ung ani naw sih nak ah khanchang cu nami im ung kä luh law sak khai, kä ning ngawn gui khai.

PHYAWN NAK 12:12

“Cun ah mü ung Egypt khaw avan yäu ne ka hteit khai, chang gui la seime gui ah hta htük gui phung ka ngawn khai. Egypt gui ah khanpughi gui avan ka m’kyuk khai. Kei cu Bawipa nei.

PHYAWN NAK 10:3

Cun ah kyasei Moses la Aaron naw ghangpughang ah hteit ni neta ng’thu ani pyen cu, “Bawipa, Hebru gui ah Khanpughi ah ng’thu cu kei ah na ng’paa law nak vai cu a i güt na mak khai ang? Ka chang gui cu hteh sak gui ä, cun ung ngami naw na khawihnah khai gui nei.

PHYAWN NAK 9:17

Cun ung phi nang naw yawshe na gui ne ka chang gui ami hteh vai cu na maa na gui ci.

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

LAMKTU 12:22

Chang gui naw, “Shin ah k’aw cu chang ah k’aw ah kä kyak ci Khanpughi ah k’aw ah kyak ci” ne cine m’lau ci gui.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.