LAMKTU 12:19 - Cho Bible Common Language 2016

¹⁹ Herod naw Peter cu shui ba sak gui sei, shui ba ne kä hmuh ba u khä tah ngäng ci gui cu ngawn gui vai ah k’bäi ci. Cun kawn ah Herod cu Judea kho nawng shüt ne Sisaria ah hteit ne om shäng shäng ci.

LAMKTU 12:19 Referans Kwoze

LAMKTU 16:27

Thawng ngäng cu ng’shüm law ne thawng m’kawt gui avan ng’hmawng sei hmu netah, thawng kyum gui dawng yawp ci gui ah ngai neath, akhim yu phawng ne amät ng’ngawn ne sik khai ah pawng ci.

LAMKTU 21:8

A ngawi ung düi law ne hteit ba u ne, Sisaria ah kami gawk ci. A cu ah Thu Ni pyein ciah Philip ah kami kai ci. Ani cu ang düih püi gui bi bi püi gui khai ah Jerusalem khritahbum naw chang sing chih ami ghü nak ungka tumat ah kya ci.

LAMKTU 12:6

Herod naw Peter cu chang gui ah ma ah kä a k’plawk pha ah kho mü ät ung, Peter cu ngäng ciah gaakap hnih ang lak ung ip ci. Ani cu m’si gui hnih awn khih u ne, thawng m’kawt pei ah phi gaakap gui naw ngäng ci gui.

LAMKTU 12:4

Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.

LAMKTU 8:40

A kawn ah Philip cu Ayotus gawnu ah gawk ciah hmat lawk ci. Cun kawn ah Sisaria ah hteit ba neh, a hteh nak ba ah lam apigaw päng ung Bawipa Jesuh ah mawng ng’Thu k’Ni cu hei pyein vük ci.

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

ESTA 6:12

Cun kawn ah Mordekai cu mang im luh nak ung law ba ci. Cun yah ung Haman cu a hmai shung ne ang ghit ah a im ah hteit ba ci.

1 GHANGPUGHANG GUI 20:43

Ghangpughang cu ng’ä ai thüi sei ne Samaria a im ah hteit ba ci.

1 SAMUEL 23:14

David cu khaw ng’yung bung ah ng’thup ne om ci, cun cu ziph ah pei bungpuk ah kyak ci. Saul naw ani a hmuh vai ah angtäi sei k’tha nak ci, cun ung phi Khanpughi naw David cu ani ah kut ung kä ap ci.

LAMKTU 27:42

Cun yah ung gaakap gui naw thawng cun gui tui ng’väk ne ami dawng vai ah kyih u netah, kaap ne ngawn gui vai ah k’bäi ci gui.

LAMKTU 25:13

Cun kawn ah shou hta khä tah Akrippa ghangpughang la ak chu Bernice cu gawmang Festus hmuh ne dou khai goi ah Sisaria ah gawk lawk ci goi.

MATTHE 2:16

Herod cu hmuhmat chang gui naw ami theileh nak hmat netah ang htei ah m’lungshe ci. Cun ah kyasei ngami ah m’thein tu ah aisi ang dang nak ah khin cu m’khin ba netah, Bethlehem gawnu la apei ung pigaw gui ung kaa, a khokum kum goi la kum goi ah k’hmaw ba ciah ak hmaw gui cu avan ngawn sak gui ci.

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

LAMKTU 12:18

Kho thai law khä tah, “Peter hawi kyak ci ang” ci ne ngäng ciah gaakap gui cu ang htei ah cäicat ne kyikyawk ci gui.