LAMKTU 12:17 - Cho Bible Common Language 2016

¹⁷ Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

LAMKTU 12:17 Referans Kwoze

LAMKTU 21:40

Gaakap bawi naw yum sei, Paul cu khlaak ung ng’düi netah, chang gui ami dingkyiip vai ah a kut awn nüt ci. Chang gui dingkyiip yawp u khätah Paul naw Hebru ng’thu awn: shicha pyein ci.

LAMKTU 19:33

Judah chang gui naw Alexander cu k’hma ne hteh sak u khätah, shin ah a mawng cu ani ah awm ah chang amshah naw mgai ci gui. Alexander naw chang gui ak ding ah ami om vai ah a kut awn nüt gui ne, a mawng ama m’thein gui khai ah k’tha nak ci.

LAMKTU 13:16

Paul naw ng’düi law ne a kut awn nüt netah thu a pyein cu: “Israel chang gui la Khanpughi yum ciah khui hei chang gui, ngai yawp vä!

LAMKTU 21:18

A ngawi ung Paul cu keimi awn a täng ah James hmuk khai ah hteit ci, cun yah ung a gham gui cu ana ng’bum ci gui.

LAMKTU 15:13

Ngah ni naw a ni pyein yawp kawn ah James naw, “Phäi nau gui aw, na ngai tu vä!

KALATIAN 2:12

Ani cu chang khui hei phäi nau gui awn vun vai ne ei aw te ci, cun ung phi James ah tüih law ah chang gui ami gawk law kawn ah, khui hei gui awn vun vai ne kä ei aw ba ci. A i ah kyasei ci ung ani naw, khui hei gui-am vun-ah nak kä bi sak tu gui vai ah pyein ciah chang gui cu a kyih su ah kyak ci.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

KALATIAN 1:19

Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

1 KORIN 15:7

Cun kawn ah James ah maa ah dang ba ne, ang düihpüi ami van ah maa ah phi ng’dang ba ci.

JOHAN 11:54

Cun ah kyasei Bawipa Jesuh cu Judea kho ung ang ngaih ah kä hteit hton ba ci. Cun ungka ng’düi ba ne, kho ng’gau kho ah pei Ephaim gawnu ah hteit ne, ang düihpüi gui awn a täng ah om ci gui.

JOHAN 8:59

Ngami naw Bawipa Jesuh ami vawih nak vai lung kaw ci gui. Cun ung phi Bawipa Jesuh cu ng’thup ne Taigüim ungka a hei lam ah hteit ci.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

LAMKTU 16:40

Paul la Silas cu thawng ungka lut law ba ni ne, Lidia ah im ah hteit ci goi. Cun kawn ah yum ciah phäi nau gui awn ng’hmuh u netah, thamah nak ah thu ani pyein kawn ah cun ah gawnu ungka naw hteit ba ci goi.

JOHAN 13:24

Simon Peter naw, “Nang Bawipa a u nei na pyein, ciah ang shi vai ah mik m’ghi nak ci.

JOHAN 10:40

Bawipa Jesuh cu Jordan tui hei gaa ah vang kat ba ne, tuihnim Johan naw, tuihnim a peit nak man ah hteit ba ne om ci.

JOHAN 7:1

Cun kawn ah Bawipa Jesuh cu Kalile kho ah pawng ne hteit ba ci. Jew chang gui naw ngawn vai ah ami ng’ge cu hmat netah, Judea kho ah kä hteit ba hlük ci.

LUKA 1:22

Ani cu a luh law ba ung kä ng’thu ba thei ci. Cun ah kya sei ngami naw Taigüim kyong ah mikhmuk ciah ah hmat ci gui. Kä ng’thu ba thei netah a kut awn nüt püi gui ci.

SAM 146:7

Ani cu ami shedam nak ah chang täng ah om ci. Ei ah cawi ci gui am ei m’bei gui ci. Bawipa naw thawng kyum ci gui cu m’hlawt gui ci.

SAM 66:16

Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

LAMKTU 12:16

Peter naw choh cu hei khäk laih laih khä tah choh ak hmawng u ne, Peter cu hmu u netah cäicat ci gui.

LAMKTU 12:18

Kho thai law khä tah, “Peter hawi kyak ci ang” ci ne ngäng ciah gaakap gui cu ang htei ah cäicat ne kyikyawk ci gui.

LAMKTU 28:15

Rom ah om ciah yum ciah chang gui naw kami gawk cu ng’ya u netah, Appius Market ah phi bäi, kami kai nak im tung thum ah khüt law ne phi bäi, na dou law gui ci gui. Ngami cu Paul naw hmu gui netah, Khanpughi m’hlüng m’tai ne k’tha mah law ba ci.