LAMKTU 12:11 - Cho Bible Common Language 2016

¹¹ Peter cu ang shüm law ba kawn ah, “Khanpughi naw a khankho chang cu tüi law ne, Herod ah kut ungka la Judah chang gui naw kei ah khan ah ami bi law vai ah yaica nak ungka a na phiawn cu tuk bäi ka hmat pyi ci nei” cik ci.

LAMKTU 12:11 Referans Kwoze

DANIEL 6:22

Khanpughi naw a khanchang cu phongkawng ah m’gawng bawm khai ah yuk chah law sei, kawng gui naw kä na cik ci gui nei. Ani naw cun ah abi cu a i ah kyasei ci ung, ani naw kei cu changniah na hmat ci, a i ah kyasei ci ung ghangpughang aw, nang ah khan ah kei katnak kä om ci nei” cik ci.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

2 PETER 2:9

Zum ciah chang gui ami kium nak ungka k’phiawn gui vai, chang shekha gui la,

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

LUKA 15:17

Cun ah kho ah ani cu akcang ah ng’yu ba netah kapa ah im ah bi bik ci gui ah chang gui hngaw ami phü ah ei awk ci gui. Kei läi shin ung ang htai ah cawi gha ne ka gein vai ci.

SAM 33:18

Ani ngai ci la ng’täi ciah am hni nak ung ng’ap cicu Bawipa naw ngäng ci.

LAMKTU 12:7

Khanpughi ah khankho chang cu ang ghit ah Peter ah pei ah ng’düi law sei, thawng im kyong cu dei ne khang ci. Khankho chang naw Peter cu ak phleing ung pang ne, “Ang ghit ah tho law” ci ne m’tho ci. Acun vai am Peter ah kut ung m’si gui gui cu ng’phian ne yu kya vü yawp ci.

DANIEL 3:25

“Cun ung a i ah kyasei mei ung chang phli hteit shüi shüi u sei ka hmuh ang?” ci neta ng’shi ba gui mä ne, “Ngami cu gui awn khih gui ah kä kyak ci, ngami cu mei naw a uih ah mäih ah kä kyak ci gui — ak phli nak tumat cu khanchang ah mäih lawk ci.”

SAM 109:31

a i ah kyasei ci ung, ani naw dukhaih ci gui cu shungvong gui ne, sihnak ah ami m’kyuk nak gui ungka hun gui ci.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

2 SAMUEL 22:1

Bawipa naw David cu Saul la a hei ga gu ah kut ung hun khäta, David naw shin ah ng’äi awn Bawipa ng’äi ci;

SAM 41:2

Ngami cu Bawipa naw shungvong gui ne, ami ghin nak pang gui khai; ani naw ami kho ung yeikyai sak gui khai. Ani naw ami ga gui ah huham ka ah kä nawng düt khai,

SAM 34:22

Bawipa naw ak chang gui cu hun gui khai, Ani ung hteit ne ng’shung ci gui cu, ani naw piantham gui khai.

JOB 31:31

Kei ah bii bik ciah chang gui ami van naw hmat khai gui nei, chang hei nu gui phi ak phlut ah ka dou gui ci nei.

2 SHONTÄP NAK 16:9

Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

LAMKTU 24:27

Cun kawn ah khokum goi lüng khä tah, Felix ah hnün ung Porcius Festus cu Gawmang ah kya lawk ci. Felix cu Judah chang gui naw ami chang m’sui vai ng’ya hlü netah, Paul cu thawng ung chum lä shüt ci.

JOB 5:19

Akhin päng ung ani naw nat nak päng ng ning hun khai;

ATÜNNAK 26:9

Abimelek naw Isaak cu khü neta, “Ani cu na chu ah kyak ci maw, a i ah kyasei, ka be na ci ang?” cine ng’shik ci. Isaak naw, “Ka chu ah ka pyen ung chang gui naw ami na ngawn vai ah kyi ne ka pyen nei” cik ci.

ATÜNNAK 18:13

Bawipa naw Abraham am, “A i ah kyasei Sarah naw, kei ka ghi pyi ci, ka hta law kheng khai aw, cine a gaih ang?

ATÜNNAK 15:13

Bawipa naw, “Na htangshon gui cu chang ah khaw ah omktu ah kya ne om tu u ne, chang ah changshäm ah kya ne, chang ah shedam nak cu khawkum phia phli ung bui awt khai gui nei.

LAMKTU 25:9

Festus cu Judah chang gui ah chang m’sui nak ng’ya hlü netah, “Nang cu Jerusalem ah ning hteh püi netah kei naw ka ning ng’shi vai na yum khai ang?” cine Paul cu ng’shik ci.

SAM 33:19

Ani naw sihnak ung ka hun gui ne, kho ah shet sang ung ghin nak pe gui ci.