LAMKTU 12:10 - Cho Bible Common Language 2016

¹⁰ Ngahni cu vah hleih ci la tawi nak ah ami ngäng nak ah m’kawt cu phlän ni ne, thawng m’si m’kawt nu pei ah gawk law ci goi. Cun ah m’si kawt cu amät hmawng law khä tah ngah ni cu lam gäk gäk ung lut law ne hteit ci goi. Cun kawn ah khankho chang cu ang ghit ah Peter ah pei ah kaa maih ba ci.

LAMKTU 12:10 Referans Kwoze

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

LAMKTU 16:26

Cun yah ung ang ghit ah shihpi thüng law khä tah thawng im nu cu ng’kyeet ne thüng ci. Cun vai am thawng m’kawt gui avan ng’hmawng ci, thawng kyum gui ami khih nak ah m’si gui gui phi avan ng’phian yawp ci.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

ISAIAH 21:8

Ngäng ci naw ng’khü ne, “Bawi aw, amü a hnüüp ng’düi ne ka ngäng ci nei,” a ci sang u ng.

KHEI NAK 15:34

Ani cu ngäng ci gui, a i ah kyasei ci ung ani a i ah ci vai cu kä a hmat phyat pha ah phäh ah kyak ci.

ATÜNNAK 42:17

Cun ci neta ani naw ngami cu hnüüp thum thawng ung chum gui ci.

ATÜNNAK 40:3

cun goi cu pha goi ne, Joseph ami chum nak ah gabawi ah im ung chum tu goi ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

LAMKTU 12:4

Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.