LAMKTU 11:3 - Cho Bible Common Language 2016

³ Ngahmi naw, “Nang cu vun aat nak kä bik ci gui ah chang gui ah hteit ne ngami awn a täng ah na ei awk tuk ci nei” ci nak ci gui.

LAMKTU 11:3 Referans Kwoze

LAMKTU 10:28

Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei.

KALATIAN 2:12

Ani cu chang khui hei phäi nau gui awn vun vai ne ei aw te ci, cun ung phi James ah tüih law ah chang gui ami gawk law kawn ah, khui hei gui awn vun vai ne kä ei aw ba ci. A i ah kyasei ci ung ani naw, khui hei gui-am vun-ah nak kä bi sak tu gui vai ah pyein ciah chang gui cu a kyih su ah kyak ci.

LUKA 15:2

Pharisee gui la ng’thukhän saya gui naw, “Shin ah chang cu changshe gui dou gui ne, a täng ah ei awk püi gui ci nei” cine pyeinsak ci gui.

2 JOHAN 1:10

Shin ah m’theithang ah mäih ah kä m’theithang ciah chang a gawk law ah a kyak ung, nami im ah kä nami dou en vai, ‘Nang ung dimdeeih nak om sä,’ cine phi kä nami pyein en vai.

1 KORIN 5:11

Kei naw ka pyein hlü cu kei khritha nei ci netah pletbeng ci gui, ng’yak hlü nak aih om ci gui, a gup hkawihnah ci gui, m’thüikhang ci gui, awktat ci gui, la m’guk ci gui awn kä nami kawng ät vai ah ka pyein ah kyak ci. Cun ah chang gui awn atäng ah ei awk vai ah ngoh ah phi kä nami ngoh en tu vai.

LAMKTU 10:48

Cun kawn ah Peter naw ngah mi cu Bawipa Jesuh Khrit ah ming ung tui ami hnim vai ah khän gui ci. Ngami naw Peter cu a om tu shäng cang vai ah chokai ci gui.

LAMKTU 10:23

Peter naw cun ah chang gui cu kyong ah khü gui netah, cu mü ih tu sak gui ci. A ngawi ung Peter cu khü lawk ci gui ah yung ah theit tu sei, Joppa gawnu ah kaa yum ciah chang gui cun phi hteit tuk ci gui.

MATTHE 9:11

Acun gui cu Pharisee gui naw hmuh u netah, “Nami saya cu a i ah kiasei, shin ah changshe gui awn vun vai ne a ei awk tu ang?” ci ne ang düihpüi gui cu ng’shik ci gui.

JOHAN 18:28

A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

LAMKTU 10:32

Cun ah kyasei Joppa pigaw ah chang tüi ne, Simon Peter ming nak ciah chang cu na khaw vai. Ani cu tuinu kam pei ah mehvun pyang ciah Simon ah im ah om tuk khai nei” cine pyein ci.