LAMKTU 11:29 - Cho Bible Common Language 2016

²⁹ Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

LAMKTU 11:29 Referans Kwoze

KALATIAN 2:10

Ngahmi naw ghawipyam ci gui, nami shüm gui vai nei, cine nam cäi gui ci gui, cun cu kei naw ka bi hlü pi ah kyak ci.

1 KORIN 13:5

M’Hni nak cu ak she kä shui ci, mät ah chaw ah kä k’hman ci, kä m’lung k’she ci, chang ah katnak kä m’kat ci:

LAMKTU 11:26

Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

LAMKTU 11:1

Chang pakhui hei gui naw phi Khanpughi ah Thu Ni ami dogah tu ah mawng cu Judea kho ung ang düihpüi gui la yum pyi ci gui ah chang gui naw ng’ya ba ci gui.

LAMKTU 4:34

Im tak ci naw a im, lai tak ci naw a lai, yawi u ne tah ang düihpüi gui am ap lawk ci gui.

NEHEMIAH 5:8

Ka pyen nak gui cu, “Keimi naw kami m’khüt hning hlawk ah, ami mät naw ami mät a khohei chang gui ah ami yoih gui ah Jew phäi nau gui cu kami hleih ba gui ci gui nei. Tuhbäi nami mät ah phäi nau gui cu k’tut gui u ne, nami Jew chang gui mät ah ami mät ami ng’zoih vai!” Cun ung ami ng’vai gui cu a i kä pyen ba hning ne, kyip ah om ci gui.

EZRA 2:69

Ashin ah bi ah hmawk ah ngami naw ami mät ah pek hning ciah pek ci gui, avan ah ng’dawn ah ghui 500 kilokram, ngui 2800 kilokram ka taigü gui ah hmawk ah suinu 100.

JOHAN 2:2

A cu ah Bawipa Jesuh ah nu cu om tuk ci. Bawipa Jesuh la angdüihpüi gui cun phi hta m’um nak ah khü tu gui ci gui.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

LAMKTU 6:1

A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

LAMKTU 9:19

Cun kawn ah tuiei eiawh seih ak thagui be law ba ci. Soul cu Damaskas ah yum ciah chang gui awn a täng ah ashäng om ci.

LAMKTU 9:25

Cun ung phi Soul cu ak chang gui naw, khawmü ah vawh ung m’khäp netah, ng’vawng k’pung ah hei chah ci gui.

LAMKTU 13:52

Antiok gawnu ah yum ciah chang gui cu yeikyai u ne Mumcha Theing awn küm be ci gui.

LAMKTU 14:20

Cun ung phi Paul cu ak chang gui naw läk ne k’bui law u khä tah tho law ba ne pigaw kyong ah hteit ba ci. A ngawi ung Paul la Barnabas cu Derbe pigaw ah hteit ci goi.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LAMKTU 24:17

Kei cu Jerusalem ungka naw ka hteh nak khokum akda shou law khätah, ka mät ah chang gui am ngui ka thak gui khai la, Khanpughi am peittaak nak ka bik khai ah, ka gawk law ba ci.

MATTHE 25:17

Acun ah mäih ah pit m’ku gah ciah chang cun phi pit m’ku ah khan ah pit m’ku ak pawih khai ah gah ci.