LAMKTU 11:27 - Cho Bible Common Language 2016

²⁷ Cun ah khin ung Prophet amshah gui cu Jerusalem ah kaa Antiok ah lawk ci gui.

LAMKTU 11:27 Referans Kwoze

LAMKTU 13:1

Antiok khrithabum kyong ung prophet gui la saya gui akda om ci gui: Cun gui cu; Barnabas, Simeon (Pa Le ah phi ami khü) Sairin ah kaa Lucius, Herod Antipas ah a püi Manaen, la Soul ah kyak ci.

1 KORIN 12:28

Khanpughi naw khrithabum ah kyong ung, ak htük bäih ah ang düih püi gui, ak hnih nak ah purofet gui, ak thum nak ah saya gui; cun kawn ah cäi aih vai m’dang ci gui, cun ah hnu ah gawpai ci gai sak nak ah hlüngtai nak om ci gui, pawchang m’hteihtang hning ci gui, m’shüm thein hning ci gui, kä hmat ah ng’thu ah thu nak thei gui a phäh phäh ah tüi m’hnüt gui ci.

EPHESIAN 4:11

Hnicim chang am m’cümhnah nak m’shumphyuk gui ci cun phi, acun ah Bawipa ah kyak ci. Ani naw amshah cu ang düihpüi gui ah, amshah cu profet gui ah, amshah cu thu shä ci gui ah, amshah cu pastor gui ah, amshah cu saya gui ah, m’düih gui ci.

LAMKTU 15:32

Judas la Silas cu ma lam ah a mawng hmat ci gui ah prophet ah kya ni ne, akhin ak shou ung yum ci gui am pumsa thagui mümcha thagui khän nak la thamah nak pe gui ci goi.

LAMKTU 2:17

“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.

MATTHE 23:34

Kei naw akcang ka pyein cu, nangmi ah om nak ah profet gui, saya gui la hmuhmat ciah chang gui ka tüi lawk khai. Nangmi naw cun ah chang gui cu amshah nami ngawn khai, amshah kutlam tung ung nami tai khai, amshah pum im ah k’caw ah nami tuthat khai, am shah gui cu apigaw päng ung hteit ne nami pha gui khai.

1 KORIN 14:32

Khanpughi ah thu ng’shäu nak ah m’cümhnah nak gah ciah chang naw a mät thu a khäm vai;

LAMKTU 21:9

Ani ung kä ceimah phak ciah a hta hnumi phli om ci. Ngami cu Khanpughi ah Thu Ni ng’shäu ne pyein ci gui ah kya ci.

LAMKTU 21:4

A cu ah yum ciah chang gui awn ng’hmu u ne, hnüüp chih kami om tuk ci. Ngami naw Mumcha Theing ah lam shüm nak awn Paul cu Jerusalem ah kä ah hteh vai ah maa nak ci gui.

LUKA 11:49

Ashin ah mawng Khanpughi naw ng’thu thuuk ung a pyein cu, “Kei naw ngami ah ng’lung ah profet gui la ng’shä gui cu ka tüi gui khai, ngami naw amshah cu ngawn u ne, amshah cu k’shedam nak khai gui.

LAMKTU 6:5

Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

LAMKTU 11:22

Shin ah a mawng gui cu Jerusalem ah khrithabum gui naw ng’ya u netah Barnabas cu Antiok ah tüi ci gui.

LAMKTU 14:26

Antiok ah gawk ba ci gui, Antiok cu tuk bäi ng’pyi khai ah bi a mi bi nak ung m’gein nak ami gah vai ah Khritha bum gui naw Khanpughi ah taigü ne ami ap nak gui ah kya ci.

LAMKTU 15:22

Cun kawn ah ang düihpüi gui ni, ang vai gui ni, khrithabum gui ni ci ng’ge u netah, Paul la Barnabas awn ng’khap khai ah chang ghü ne, Antiok ah tüih vai ah k’bäi ci gui. Cun ah kya sei, khritha gui naw ang htei ah a mi chang m’sui ah Barsabbas ah ming ciah Judas la Silas cu ghü ci gui.

LAMKTU 15:30

Ami chang tüih gui cu hteit u ne Antiok ah gawk u netah yum ciah chang gui cu ng’bum sak gui ne, ami ca m’khäh cu pe gui ci gui.

LAMKTU 18:22

Ani cu Sisaria ah gawk netah htinpaw ungka naw kyum law ne, Jerusalem ah hteit ne khritha bum gui cu yavaih ah gui ci. Cun kawn ah Antiok ah hteit ci.

1 KORIN 12:10

Mumchabawi naw chang tumat am cäi aih vai bi nak ah hlüngtai nak, a hei tumat am Khanpughi ah Thu thuuk pyein nak; a hei tumat am Mumchabawi ah peit ah thagui ah kyak ci la kä kyak ciah m’khoichaa nak, cu pe ne; chang tumat am Ng’thu a hlü hlü pyein thei nak, a hei tumat am, cun ah thu a hlü hlü cu k’phlan ne pyein nak ah k’thagui cu pek ci.

KALATIAN 2:11

Antiok ung Peter a gawk law yah ung ani ah bilawh cu akcang ah cheishoh ci kyasei, chang gui ah ma ah ani cu m’kat ne ka ng’thu ci.