LAMKTU 11:26 - Cho Bible Common Language 2016

²⁶ Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

LAMKTU 11:26 Referans Kwoze

1 PETER 4:16

Cun ung phi Khritha ah na mi kyak ah hmawk ah geinvai dukdeiu nak a gawk law ung kä na mi thui ng’aa vai nei, Bawi Khrit ah ming ung nami om pyi ci kyasei Khanpughi nami m’hlüngtai vai nei.

LAMKTU 26:28

Akrippa naw Paul am, “Nang naw kei cu, a shäng hta ung khritha ah na na kyak sak khai ah na ngai ci maa?” cine pyen nak ci.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

1 PETER 4:14

Bawi Khrit ah chang ah nami kyak ah hmawk ah päipih nak nami gah ung yeikyai nak om ci, a i ah kyasei ci ung, acun ah khin ung, bämang ciah Mumcha, Khanpughi ah Mumcha cu, nangmi ah khan ah ang leen ah hmawk ah kyak ci.

EPHESIAN 3:15

Ani cu Khankho la khomdek ung kyongkhui mah phung avan naw ming akcang ami gah nak ah kyak ci.

1 KORIN 14:23

Khritha gui akda a täng ah ng’bum u netah, ami van kä hmat ah ng’thu ah ami ng’thu yah ung kä hmat ciah chang, kä cun ung kä yum tuk ciah chang gui ami law ung, ‘Nangmi ak gu gui nei’ cine kä pyein khai gui ang?

1 KORIN 12:12

Bawi Khrih cu akda ah ng’phyeekpai ciah pumsa tumat awn täng ci; ang phyeekpai a hnga hnga a om ung phi pumsa cu tumat bäng ah kyak ci.

1 KORIN 11:18

Ak htük bäih ah ng’bum ne nami pum nak ung nami m’lung ngaih hnu ng’tuk ne ang pai ah mawng cu ka ning hmat gui ci.

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

THU PHLAAN 3:18

Cun ah kyasei na bühmang nak vai ah kei ah ghui akcang cu na k’hleih law vai ah ka ning m’cäi ci nei. Na k’plui ci kya ne nang aa nak na shung nak vai ah sui k’theing la namik am dei nak vai ah mik m’tui nak cu kei ah na khleih law vai nei.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

LAMKTU 11:27

Cun ah khin ung Prophet amshah gui cu Jerusalem ah kaa Antiok ah lawk ci gui.

LAMKTU 11:22

Shin ah a mawng gui cu Jerusalem ah khrithabum gui naw ng’ya u netah Barnabas cu Antiok ah tüi ci gui.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

LAMKTU 6:5

Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

JOHAN 2:2

A cu ah Bawipa Jesuh ah nu cu om tuk ci. Bawipa Jesuh la angdüihpüi gui cun phi hta m’um nak ah khü tu gui ci gui.

LAMKTU 1:15

Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

LAMKTU 6:1

A pipi shou law sei, ang khah püi gui da law pi k’täi ci gui. Cun yah ung Greek ng’thu ah ng’thu ciah Jew chang gui la khomah Jew chang gui ah ng’lak ah kä ami ng’gei nak om ci. Greek ng’thu ah ng’thu ciah Jew chang gui naw, hmeinu gui cu ak hnüüp tä ng’büh khai ah ngui käk dük ci gui cineh’ she nah gui ci gui.

LAMKTU 9:19

Cun kawn ah tuiei eiawh seih ak thagui be law ba ci. Soul cu Damaskas ah yum ciah chang gui awn a täng ah ashäng om ci.

LAMKTU 9:38

Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui.

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

LAMKTU 14:20

Cun ung phi Paul cu ak chang gui naw läk ne k’bui law u khä tah tho law ba ne pigaw kyong ah hteit ba ci. A ngawi ung Paul la Barnabas cu Derbe pigaw ah hteit ci goi.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LAMKTU 14:28

Cun kawn ah ngah ni cu yum ciah chang gui awn a täng ah acu ah ak shou om ci goi.

LAMKTU 18:27

Apollos cu Achaia kho ah hteit hlü khä tah, Epheus ah yum ciah chang gui naw Achaia ah yum ciah chang gui am, ang hmat nak tu vai ah ca guh ne m’kan ci gui. Ani ci Achaia kho ah gawk netah Khanpughi ah m’gein nak awn yum ciah chang gui cu ak tung ah bilawh püi gui ci.

LAMKTU 19:9

Cun ung phi chang amshah gui cu ami m’lung m’sing sei kä yum u ne, chang khli ah ng’lung ah Bawipa ah lam ah mawng cu pyein m’sheet ci gui. Cun ah kyasei paul naw yum ci gui cu khah püi gui ne, ngami gui cu hteh ta gui netah, Tirannus ah ng’thei im kyong ung ak hnüüp tä sei ng’thu ng’ge püi gui ci.

LAMKTU 20:1

Thüngkyüng thüngphong nak ding law khä tah Paul cu yum ciah ak chang gui m’cäi gui ne k’tha gui pe gui netah Macedonia kho ah hteit ci.

LAMKTU 20:30

Nami mät ungka chang amshah naw, yum ciah chang gui naw ami läk gui vai ah, hleeihlak ne ami k’tü phlawh nak ah khin gawk law khai nei.

LAMKTU 21:4

A cu ah yum ciah chang gui awn ng’hmu u ne, hnüüp chih kami om tuk ci. Ngami naw Mumcha Theing ah lam shüm nak awn Paul cu Jerusalem ah kä ah hteh vai ah maa nak ci gui.

JAMES 2:7

Ngahmi cu nangmi naw nami dou ah ming k’ni cu sawngkhei ci gui nei.