Biblia Todo Logo
Bib sou entènèt

- Piblisite -




LAMKTU 11:24 - Cho Bible Common Language 2016

24 Barnabas cu chang k’ni ah kya ne, Mumcha Theing awn phi be ne, Düng nak awn phi küm ci kya ne, chang akda cu Bawipa ah khü law gui ci.

Gade chapit la Kopi




LAMKTU 11:24
21 Referans Kwoze  

Ngahmi ung Bawipa ah hlüngtai nak cu om sei, chang akhli naw Bawipa cu yum ne ng’hlat lawk ci gui.


Cun ung phi Bawipa yum ciah hnumi pami gui cu da law pi täi ci gui.


Cun ah ami cicu aming khah püi gui avan naw yum yawp ci gui. Ngami naw Mumcha Theing awn be neh ng’düng nak om ciah Stephen cu ghü htük ci gui. Cun kawn ah Philip, Prochorus, Nicanor, Timon, Parmenas lah ak khui hei, Antiok ah ka, Jew thungman yum tuk ciah Nicolaus gui cu ghü gui ci gui.


Cun ung phi shin ah ca ung, amshah a mawng ama gui ah mawng ung nang mi ka ning m’cäi nak gui ung, kei naw Khanpughi ah na peit ah akhin k’ni cu mang ne m’gäi nak awn ka guk nei.


Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.


Stephen cu Khanpughi ah bäkhäk nak la hlüngtai nak cu akbe ah gah ciah kiah ne, cäicat gui vai lah ngaih khit gui vai cu akda m’dang ci.


Cun ah kiah sei, phäi nau gui aw, nangmi ung ka Mumcha Theing awn be neh hmuh hmat nak om ciah chang sing chih nami ghü vai, shin ah mawng bik khai gui ah ngami cu kami m’düih gui khai.


Ng’khai ne chang am k’pu m’hnih thei ciah chang cu yeikyai nak om ci, Ani naw abi lawh phung düngshung sei bik ci.


Gaw ngäng ciah chang naw, “Dawng law ma cicu Ahimaaz ah mäih lawk ciah ka hmuk ci nei” cik ci. Ghangpughang naw, “Ani cu chang man, ani naw ng’thu ni law püi ci” cik ci.


Düng ciah chang tumat ah hmawk ah sih pek khai a u kä om ci, chang k’ni tumat ah hmawk läi ah sik khai cu a om ung om hman khai.


Cun ah kyasei kei cu Khanpughi ah ma, chang ah ma ah, kam lung kyong theing cim khai ah angtäi sei ka k’tha nak ci.


Chang akda naw ani ah mawng cu adüm düm ah pyeinsak ci gui. Amshah naw, “shin ah chang cu changninei” cik ci. Amshah naw, “Chang ni ah kä kyak ci, chang m’hleehlak ciah chang nei” cik ci gui.


Judea kho Arimathea pigaw ungka Josef ming nak ciah chang ng’vai tumat om ci.


Bawipa Jesuh naw, “Nang naw nik ciah bi ah mawng a i ah kiasei kei na nang shi ang? Changnitumat bäng nei om ci, Nang cu ang täi ghin nak na gah hlü ung thukhän cu na läk vai,” ci ne kiak nak ci.


Chang ni naw akni m’lung nane akni dang sak ci, changshe nak akshe m’lung nane akshe dang sak ci.


Changshe gui naw ami mat ah shetkat nak gah ci gui, Changniguio naw ami mat ah om ih awn m’cümhnah nak gah ci gui.


Changnicu atu a hta am anawng pek shüt vai khawh om ci, Cun ung phi cheishoh ci gui ah khawh cu düng gui ah kut ung gawk khai.


Bawipa naw changnicu yei nak ci, akshe bi vai ah pawng pü ci phung cu m’kyuk ci.


Changni cu Bawipa naw a hteh nak vai lam shüm ne, Ani yei nak cicu shungvong ci,


Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.


Ngah mi cu Khanpughi m’hlüng m’tai u neh chang ah ng’lung ah mik hmai kiang seih om ci gui. Khanpughi naw ak hnüüp tä seih hun nak gah ci gui cu da law sak gui ci.


Swiv nou:

Piblisite


Piblisite