LAMKTU 11:23 - Cho Bible Common Language 2016

²³ Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

LAMKTU 11:23 Referans Kwoze

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

LAMKTU 13:43

Pum nak ungka ami ng’pai law ba ung Judah chang gui la, Judah thung ungka ng’hlat lawk ciah chang akda naw Paul la Barnabas cu läk law goi ci gui. Ngami naw cun ah chang gui am, Khanpughi ah m’gein nak ung ami ghin vai ah m’cäi gui ci goi.

1 JOHAN 2:28

Ka hta nau gui aw, Bawipa awn kawng ät ne nami om vai, cun ung mikmi cu Bawipa a kyum law ba Hnüüp ung, lü ng’aa ng’thuh thaw vai kä hlü sei, ama ah thagui ak be awn mi ng’düi khai nei.

2 TIMOTHI 3:10

Cun ung phi nang cu kei ah m’theithang om ih, la ka ghin nak ung kang bü nak gui cu hmat ne na läk ciah kyak ci nei. Ka yum nak, ka hnimgei nak, kam hni nak, ka khüighaat nak,

KOLOSE 1:6

Thu Ni naw phyutheh nak cu law püi sei, khomdek khan avan ung gawk ci nei. Acun ah mäih ah nangmi ung akhtük ah mäih ah gawk ciah Khanpughi ah m’gein nak cu ng’ya u ne, ani ah mawng akcang cu nami hmat law ah kyak ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

3 JOHAN 1:4

Ka hta gui thudüng ung nami ghin ah mawng cu ng’ya ne ka yei ah kawn ah, kei na yei sak ci a i kä om ba ci nei.

LAMKTU 14:26

Antiok ah gawk ba ci gui, Antiok cu tuk bäi ng’pyi khai ah bi a mi bi nak ung m’gein nak ami gah vai ah Khritha bum gui naw Khanpughi ah taigü ne ami ap nak gui ah kya ci.

JOSHUA 23:8

Cun kan vaisü ung tuhbäi ung khüt sei nami om ah mäih ah Bawipa ung nami bekhüt vai.

THULÄÄN NAK 30:20

Bawipa nami Khanpughi cu m’hni yum vä, a bet ng’yah vä, bekhüt vä, cun ung nangmi ah nami htangshong gui cu nami pughi gui Abraham, Issak, la Jakob am apet ah kho ung ghi ne nami ghing khai.

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

JOHAN 15:4

Kei ung kawng ät ne om vä, kei phi nangmi ung kawng ät ne ka om khai. Ang ban tumat cu ang shun tung kaa apait ung kä m’theih hlawt ci. Acun ah mäih ah nangmi phi kei ung kä nami om ung kä nami m’theih hlawt khai.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

JOSHUA 22:5

Moses naw a ning thumkhän gui ah thukhän cu ng’hteicha khai ah nami läk vai. Bawipa nami Khanpughi cu nami m’hni vai, angyak hlü ami bi vai, ang thumkhän nami läk vai, ani ung nami bekhüt vai, nami m’lung kyong ghin nak avan awn akhuut nami bi vai” cine m’cäi gui ci.

2 KORIN 1:17

Cun ah ka ngaih cu kam lung hnih ah ng’pai sei ang Cun ah ka k’bäi cu ka mät bäng ah ngaih ah kyai khai bawk ang? Atäng düt ah “ä ä, ka ka” ka ciah kyak khai ang?

LAMKTU 20:32

“Tuk bäi kei naw nang mi cu Khanpughi ah kut ung la, am gein nak ah Thu Ni ung ka ning ap gui ci. Cun ah Thu Ni naw, Khanpughi naw ak chang gui ah hmawk ah am hnüt ah, hriham ning pe gui ne ning düih sak gui khai.

LAMKTU 15:40

Paul cu Silas khü ne hteit ci, yum ci gui naw Paul cu Bawipa ah m’gein nak a gah vai Khanpughi ah ap ci gui.

MAKUH 2:5

Bawipa Jesuh naw ngami ah yum nak a i hlawk ah a däm cu hmu netah, shuum ciah chang-am, “Ka hta, na katnak cu ning phiawn sak pyi nei” cik ci.

DANIEL 1:8

Mang im ungka ei ei ne sapyit tui awk nak awn kä theingthap nak ung kä gawk vai ah Daniela naw amlung pyang pyi ci. Cun ah kyasei ani naw, Ashpenaz naw am thei thang tu vai ah k’thäh ci.

NG'THU K'THUUK~ 23:28

Ngami naw m’gui ei ah mäih ah ning ngäng ci gui. Chang akda kä bekhüt khai ah ngami naw bik ci gui.

NG'THU K'THUUK~ 23:15

Ka hta aw, nang na cüivai law ung kei cu ka yei aih khai.

SAM 17:3

Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.

LAMKTU 4:36

Saipras khaw ah ka Levit ah ng’shon Josef, ang düihpüi gui naw barnabas (shawih khem tuk ciah ming ci) ah ami khü ah chang tumat cu om ci.

ROMAN 12:8

Chang gui k’thamah nak peit nak gui vai a kyak ung, mi pe gui khai. Chang am pektaak ciah chang naw, ng’khai ng’lang nak awn a pektaak vai, huham om sei ng’vai pi ci naw k’tha nakcang ne abilawh vai; geinvai ciah chang m’gein tuk ci naw m’lung gei yeikyai nak awn am hteihtang tu vai.

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

1 PETER 5:12

Shin ah ca k’tawi hta cu Silas ah nak khüi vong nak awn ka ning guk law gui nei. Ani cu bekhüt ciah khritha phäunau ah, kei naw ka yum ah kyak ci nei. Shin ah ca cu kei naw k’tha gui ka ning peit nak gui hlü la, shin cu Khanpughi ah m’gein nak akcang ah kiak ci, cicu ka saksi nak ah kyak ci nei. Cun ah m’gein nak ung khäng sei ng’düi vä.

JUDE 1:4

A i ah kya sei ci ung Khanpughi kä yum ci gui cu nami ng’lung ah lut ne om ci gui nei. Ngami naw mi Khanpughi ah m’gein nak ah ng’thu cu, khawdek pumsa ami ng’yak hlü lam düt ah m’hlat u ne, tumat khläm om ciah mi Bawi, mi Mang Jesuh Khrit cun phi hun ng’tuk püi ci gui nei. Cun ah chang gui cu cau pui ge, shetkat nak gah khai gui ah m’hnütbäi gui ah kyak ci.

2 GHANGPUGHANG GUI 18:6

Ani cu Bawipa ung bekhüt ne, angthu kä läk ah kä om ci, Bawipa naw Moses am a pek ah thumkhän avan cu geing na ne k’pang ci.