LAMKTU 11:14 - Cho Bible Common Language 2016

¹⁴ Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.

LAMKTU 11:14 Referans Kwoze

LAMKTU 16:15

Cun ah kyasei amät la akyong ungka gui ami van cu tui hnim ci gui. Cun kawn ah Lidia naw, “Kei naw Bawipa cu akcang ah ka yum ciah nami ngaih gep ah a kyak ung ka im ah law ne om law tu vä” cine k’shet ne na khü gui ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LAMKTU 10:6

Ani cu mehvun pyang ciah Simon ah im ung om tuk ci, cun ah im cu tuinu kem ah om ci” cine pyen nak ci.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

LAMKTU 2:39

Khanpughi ah shai tak cu, nang mi ah hmawk, nami hta naü gui ah hmawk lah ang shawng ah om ci gui ah Khanpughi naw akhü gui ah chang gui phung ah hmawk ah kyak ci” ci neh m’thein gui ci.

JOHAN 20:31

Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

JOHAN 12:50

Cun ah huham ng’thu naw angtäi ghin nak pek ciah ka hmat ci. Ka pyein gui ah ng’thu phung cu Kapa ah nam cäi gui bäng bäng ah kyak ci” cine pyein ci.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

JOHAN 4:53

Bawipa Jesuh naw, “Na hta ghing ba khai nei” a ci nak cu a cun ah akhin ah kyak ciah apa naw shüm ba netah, ani la akyong ungka ami van naw Bawipa Jesuh cu yum ci gui.

LUKA 19:10

Chang ah Htapa cu maih ciah chang gui shui ba gui ne hun gui khai ah kyum lawk ci nei” cine Zakhaeus-am pyen nak ci.

MAKUH 16:16

Zum ne tuihnim nak lak ciah chang phung cu hun phiawn nak gah khai hei; kä yum tuk ciah chang phung cu shetkat nak om khai nei.

JEREMIAH 32:39

Ami mät la ami htangshong ah nikyäp nak vai ah ami na kyih aa thei vai ah: ngami am ami ghin nak ah bünak atumat bäng ka pek khai.

NG'THU K'THUUK~ 20:7

Dung ne om ne cang nak bi ci ami pa nak ung a hmaw gui cu ami khaw ding ci.

SAM 112:2

Changni ah hta nau gui cu kho avan ung ami huham om khai; Ani ah hta ng’shon gui cu hriham gah khai gui.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

1 KORIN 1:16

(Stephanas la akyong ungka gui cu tui ka ng’hniim sak gui ci, cun kawn ah a u tui ka ng’hniim sak kä ka shüm ba ci.)

LAMKTU 18:8

Pum im uk ciah Krispus ming nak ciah chang la ak kyong ung kaa gui cu Khanpughi yum tuk ci gui. A hei Korin chang akda gui cun phi Thu Ni ng’ya tu ne yum tu u ne, tui hnim ci gui.

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

LAMKTU 11:13

Konelius naw a im kyong ah khankho chang ng’düi law sei a hmuh ah mawng la, cun ah khankho chang naw Joppa gawnu ah chang tüi ne Simon Peter ming nak ciah chang cu va khü ä.