LAMKTU 11:13 - Cho Bible Common Language 2016

¹³ Konelius naw a im kyong ah khankho chang ng’düi law sei a hmuh ah mawng la, cun ah khankho chang naw Joppa gawnu ah chang tüi ne Simon Peter ming nak ciah chang cu va khü ä.

LAMKTU 11:13 Referans Kwoze

LAMKTU 12:11

Peter cu ang shüm law ba kawn ah, “Khanpughi naw a khankho chang cu tüi law ne, Herod ah kut ungka la Judah chang gui naw kei ah khan ah ami bi law vai ah yaica nak ungka a na phiawn cu tuk bäi ka hmat pyi ci nei” cik ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LAMKTU 9:43

Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

LAMKTU 9:38

Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui.

LAMKTU 9:42

Cun ah mawng cu Joppa kho van ung thang sei, chang akda naw Khanpughi cu yum lawk ci gui.

LAMKTU 11:12

Mumcha Theing naw kä ng’shauk ne ngami ung ka ng’läk tu ge vai ah pyein ci. Joppa gawnu ah kaa yum ciah chang sing chuk cun phi kei awn a täng ah hteit tu u sei, kami van cu Konelius ah im ah kami lut ci.

LAMKTU 11:14

Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.