LAMKTU 10:9 - Cho Bible Common Language 2016

⁹ Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.

LAMKTU 10:9 Referans Kwoze

ZEPHANIAH 1:5

Im khan ah kai ne khohni ni, cha ni, aisi ni khawihnah ci gui phi ka m’di gui khai. Kei na khawihnah ne bekhüt pang te ne phi, Milak khanpughi ah ming la ba cicu ka m’di khai.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

LAMKTU 6:4

Keimi läi cu taigü nak lah Khanpughi ah ng’thu pyein nak awn akhin be khai ah kami bik khai” cik ci gui.

MAKUH 6:46

Bawipa Jesuh cu chang gui gidam gui shüt netah taigü khai ah khomhtung ah kai ci.

MAKUH 1:35

A ngawi ung khongawi kho thai ghi ghi sei, Bawipa Jesuh cu tho ne lut law ne, a ding gei nak ah hteit ne taigü ci.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

MATTHE 24:17

Im kiung khan ah om ciah chang cu im kyong ah khawh la ba khai ah kä lut-en ba sä.

MATTHE 20:5

Cun ah chang gui cun phi hteit ne bi tuk ci gui. Ani cu kho hnüüp lung ung phi bäi, kho k’awi lam ah phi bäi, acun ah sumlei hmun ah hteit ne ng’ghüh ci.

MATTHE 6:6

Cun ah kyasei nangmi cu na mi taigü ung, kyong ah lut ba ne shoh khai netah, mik awn kä hmuh ah nami pa ah nami taigü vai. Kä dang khai ah bi cu hmuh thei ciah nami pa naw m’cümhnah nak ning pe gui khai.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

JEREMIAH 32:29

mei awn m’khih khai gui chang gui naw im m’cung khan ah Baala am tui ng’ui m’khin ne, ahei khanpughi gui am sapyit tui douthak ne kei ami na m’lungshe nak sak ah im gui mah mah ah m’khik khai gui

JEREMIAH 19:13

Jerusalem ung im gui, Judah ghangpughang gui ah im gui, akcih khan ah aisi gui am ang ui gui m’khih pek nak ah im gui la ahei khanpughi gui sapyit tui kei ne douthak nak gui — cun gui avan cu Topheth mäih ah kä theingthap khai gui.”

1 SAMUEL 9:25

Ngami cu khawihnah nak ungka naw gawnu ah ami yu kyum ba kawn ah ngami naw Saul ah ih

1 TIMOTHI 2:8

Khritha gui ah bum nak phung ung, pami ng’vai gui ami taigü vai, ngahmi cu Khanpughi ah ng’ap pyi ci gui ah kya ne, m’lung she nak la cuhcan nak kä om men sei, ami kut chang ne ami taigü vai ah ka ng’ya hlük ci nei.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

2 SAMUEL 11:2

Hnüüp ät ung khaw k’awi nu ung; David cu ang yän nak ungka tho law ne, mang im k’cih khan ah hang kai ci. Ani cu hteit shüi neta tui ng’si ciah hnumi cu hmuk ci. Ani cu ang htei ah kyom ci.

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.