LAMKTU 10:8 - Cho Bible Common Language 2016

⁸ a mawng avan m’thein gui ne, Joppa pigaw ah tüi gui ci.

LAMKTU 10:8 Referans Kwoze

KALATIAN 1:16

Cun kawn ah changpakhui hei gui-am A Htapa ah mawng Thu Ni cu kam thein gui khai, kei-am A Htapa cu ana hmu sak ah kyak ci. Cun ah kyasei nam shüm thein tuk khai ah a u phi kä ka ng’shi man ci:

LAMKTU 26:19

“Akrippa Ghangpughang mang! Kei naw khankho ah kaa ka hmuh cu kä pyein ah kä ka hlawt ci nei.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

LAMKTU 9:38

Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui.

LAMKTU 9:42

Cun ah mawng cu Joppa kho van ung thang sei, chang akda naw Khanpughi cu yum lawk ci gui.

LAMKTU 9:43

Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.

LAMKTU 10:7

Khankho chang hteit ba khäh tah Konelius naw ak changshäm hnih la yum nak om ciah ang ngaih u ah gaakap tumat khü gui netah,

LAMKTU 10:17

Peter naw cun ah amik hmuh ah mawng cu ak tung ah ngaih-tüh ne om ci. Cun yah ung Konelius ah tüih law ah chang gui cu, Simon ah im k’tä ne shui u ne, m’kawt law pei ah gawk law ne ak düi ci gui.