LAMKTU 10:7 - Cho Bible Common Language 2016

⁷ Khankho chang hteit ba khäh tah Konelius naw ak changshäm hnih la yum nak om ciah ang ngaih u ah gaakap tumat khü gui netah,

LAMKTU 10:7 Referans Kwoze

PHILIMON 1:16

Tuhbäi ani cu changshäm düt ah kä kya ba ci, changshäm ah mä taai ba pi ne, Bawi Khrit ung phäi nau ah kya lawk ci nei. Chang shäm ah a kyak nak la Bawipa ung kam hni ah phäi nau ah a kyak nak awn kei ah hmawk ah ang htei ah bäi ci. Nang ah hmawk ah cun ah tah bä pi khai nei.

LUKA 3:14

Gakap gui naw phi, “Keimi mä a i ah kami kyak khai ang?” ci ne ng’shi u khätah; Johan naw, “Chang ah ngui kä nami guh vai, chang kä nami yawkshe nak vai, nami gah awn nami ng’büh vai” ci nah gui ci.

SUKI GUI 7:10

Cun ung phi cun tuk vai ah na kyih ah a kyak ung, na changshäm Purah awn phung ah yu kyum ni ä.

1 TIMOTHI 6:2

Khritha bawimang gui ung khleihtein changshäm a om ah a kyak ung, kä ami shedam nak gui vai, phäi nau gui ah kyak ci, ciah ami ngaih vai. Ami hnün thawh peit gui cu, ami m’hni gui ah khritha gui ah kyasei, ngami naw k’tha nah pi ne ami hnün thawh peit gui vai ah kyak ci. Shin ah a mawng gui cu nang naw nam theithang na pyeinsak vai.

ATÜNNAK 24:52

Cun ani cicu Abraham ah changshäm naw ng’ya neta, kawp ne Bawipa cu khawihnah ci.

MATTHE 2:13

Hmuhmat chang gui ami hteh ba kawn ah Khanpughi ah khankho chang cu Josef ah ih mang ung dang law netah, “Herod naw ak hmaw cu ngawn vai ah shui lawk khai nei, tho law ne ak hmaw la anu cu Ejip kho ah dawng püi goi ä, Kei naw ‘Law ba vä,’ kä ka ci pha ah chuih a cu ah na om püi goi vai nei,” cine pyein ci.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

LAMKTU 10:6

Ani cu mehvun pyang ciah Simon ah im ung om tuk ci, cun ah im cu tuinu kem ah om ci” cine pyen nak ci.

LAMKTU 10:8

a mawng avan m’thein gui ne, Joppa pigaw ah tüi gui ci.