LAMKTU 10:5 - Cho Bible Common Language 2016

⁵ Atukbäi chang tüi ne Joppa gawnu ah Simon Peter ming nak ciah chang cu thäm sak gui ä.

LAMKTU 10:5 Referans Kwoze

LAMKTU 16:9

Cu mü Paul naw ang mui mang ung, “Macedonia kho ah law ne na bawm gui vä” cine Mecedonia chang tumat naw ng’düi ne ng’yoi sei hmuk ci,

LAMKTU 15:7

Ak shou ami pyein kawn ah Peter naw ng’düi law netah, “Phäi nau gui aw, Khanpughi naw kei cu changpakhui hei gui naw ami yum tu vai ah Thu Ni ka pyein khai ah, ayan pui nangmi ungka kei a na ghü cu nami hmat pyi ci,

LAMKTU 10:32

Cun ah kyasei Joppa pigaw ah chang tüi ne, Simon Peter ming nak ciah chang cu na khaw vai. Ani cu tuinu kam pei ah mehvun pyang ciah Simon ah im ah om tuk khai nei” cine pyein ci.

LAMKTU 9:38

Lidda pigaw cu Joppa gawnu awn et ci kyasei, yum ciah chang gui naw Peter cu Lidda ah a om hmat u netah, “Keimi ah ak yang ah a law vai nei” ci ne m’cäi ne chang hnih tüi ci gui.

LAMKTU 9:36

Joppa pigaw ung, Khanpughi yum ci, Tabitha ming nak ciah hnumi tumat om ci. (Karik thu awn ah ming cu Dorcas ah kya ne kigang ciah kyak ci.) Ani cu angtäi sei ak ni bi ne chang phi geinsei ci.

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

MAKUH 3:16

Bawipa Jesuh naw a ghü gui ah chang sing gha-lei-goi ah ami ming cu; Simon (Bawipa Jesuh naw Peter ah ang ming asui),

LAMKTU 9:42

Cun ah mawng cu Joppa kho van ung thang sei, chang akda naw Khanpughi cu yum lawk ci gui.

LAMKTU 9:43

Peter cu cun ah Joppa pigaw ah mehvun pyang ciah Simon awn a täng ah ak sho om tuk ci.

LAMKTU 10:18

Cun ah chang gui naw, “Simon Peter ming nak ciah nami khin om tu naw?” cine ak shi gui ci gui.