LAMKTU 10:41 - Cho Bible Common Language 2016

⁴¹ Chang nüng naw Bawipa cu kä hmuk ci, Khanpughi naw saksi ah ana ghü gui ah keimi naw vah kami hmuk ci. Keimi cu Bawipa sih nak ungka a thawh ba kawn ah a täng ah kami ei auk ci.

LAMKTU 10:41 Referans Kwoze

JOHAN 14:22

(Judas Iskariot ah kä kyak ciah) a hei Iskariot naw “Bawipa a i hawkchaa ah m’dek chang gui ung kä dang ah keimi gui ung nang dang khai ang?” cine ng’shik ci.

JOHAN 21:13

Bawipa Jesuh cu ami om nak ah law netah, m’htut cu ngami-am pe gui ci, nga phi pe gui ci.

JOHAN 14:17

Khomdek chang gui naw cun ah Mumcha Theing cu kä hmuhmat man ci gui kya ne kä yum hlawt ci gui. Cun ung phi ani cu nangmi awn a täng ah om ne, nangmi ung om ci kyasei nami hmat ci.

LAMKTU 10:39

Jerusalem gawnu la Israel kho ung Bawipa naw abi lawh nak gui nüng ung keimi cu saksi ah kami kyak ci. Bawipa cu chang gui naw kutlam tung ung khen ne ngawm ci gui.

LAMKTU 13:31

Cun kawn ah ani cu, Kalile ungka naw Jerusalem ah a täng ah ng’gui lawk ci gui ah chang gui ah ma ah kho hnüüp ak sho dang ba ci. Cun ah chang gui cu tuk bäi chü Israel chang gui ah ma ah Hunbawi ah mawng pyein ne saksi ci gui.

JOHAN 15:16

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

LUKA 24:30

Ngani awn a täng ah va kai ne ngo tu netah, m’htut cu la ne taigü ci. Cun kawn ah m’htut cu k’bou ne pe tu goi ci.

LUKA 24:48

Nangmi cu acun ah mawng gui nami mik awn nami hmuk ciah saksi ah nami kyak ci.

JOHAN 14:19

Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.

JOHAN 15:27

Nangmi naw phi kei ah mawng thu nami pyein khai, a i ah kya sei ci ung akhtük ge ung nangmi cu kei awn a täng ah nami om ci kyak ci.

LAMKTU 1:4

Ami ng’bum law yah ung Bawipa Jesuh naw, “Jerusalem ung ka kä na mi hteh cang vai, ka ning m’thein gui man ah Pa Khanpughi ah Shaitak cu na mi gin vai.