LAMKTU 10:4 - Cho Bible Common Language 2016

⁴ Ani cu cäicat ne khankho chang cu teng netah, “Bawi awi, a i nei” cine ng’shik ci. Khankho chang naw, “Na taigü la m’gein nak na bi lawh gui cu Khanpughi naw m’hni ne ning yum ci nei.

LAMKTU 10:4 Referans Kwoze

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

MALAKHI 3:16

Cun kawn ah Bawipa kyih aa ci gui cu, ami mät ng’ce ng’cäk u sei, Bawipa naw ngai ne ami ng’thu ng’yak ci. Khanpughi kyih aa ne chang m’sui ciah chang cu, amät ah ma ah ca uk ung gu ne m’hnüt ci.

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.

THU PHLAAN 8:4

M’khih ne ami sonkiaan ah ak khu cu, Khanpughi ah maa ah ng’düi ciah khankho chang ah kut ung kaa, Khanpughi ah chang gui awn atäng ah hang kai ci.

SAM 141:2

Ka taigü cu ang ui ah mäih ah kakut ka shäng cu mühun lam ah khawihnah ah mäih ah na dou pe ä,

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

HEBRU 13:16

Akni bi vai lah tumat la tumat ng’hteihtang tu vai cu kä nami m’hnih-en vai nei, cun gui cu Khanpughi naw ng’yak hlü ah vawihpeh nak ah kyak ci nei.

LUKA 1:29

Mari cu khankho chang ah ng’thu ng’ya ne cäicat netah, “A i a pyein ni mä” cine ngai ci.

MATTHE 26:13

Kei naw akcang ka pyein cu, Thu Ni cu khomdek khan avan ung ami pyein law ung, shin ah hnumi cu chang naw a shüm vai ah, ani ah bi lawh cun phi pyein sak khai gui nei,” cine kyak na gui ci.

DANIEL 10:11

Khanchang naw kei am ana pyen nak cu, “Daniela, Khanpughi naw ning m’hni ci. Ng’düi law ne kei naw ka pyen law vai cu geing na ne ngai ä. Kei naw nang cu ka ning tüi ci nei.” Ani naw shin ah a pyen yah ung kei ka ng’düi lawk ci, ka ng’hlet lä ci.

ISAIAH 43:26

“Zung ah mi hteit khai nei, nami k’bün nak ah mawng cu law püi vä! Nami gihgaw sak ci, nami cheishoh nak nami na phuih kawk sak ci.

2 SHONTÄP NAK 32:24

Acun ah akhin ung ghangpughang Hezekiah cu ak tä ah gaw ne si ghep ghep ci. Ani cu taigü khäta, a gai ba nak vai ah a mawng cu Bawipa naw pek ci.

2 SHONTÄP NAK 6:33

Cun ung ami taigü cu ngaih pe gui ä. Khankho na om nak ah ka naw ng’yak pe ne, ani naw na bi vai ah akthäh cu bi pe ä. Cun ung khomdek khan ung om ciah chang gui avan naw Israel chang gui ah mäih ah nang cu ning hmat u ne nang thu phi ngai lawk khai gui. Ngami naw ka cawh ah shin ah Taigüim cu nang ning khawihnah nak ah hmun cicu hmat lawk khai gui.

1 SAMUEL 3:10

Bawipa cu law ne ng’düi ne ta, “Samuel, Samuel!” ciah a ci ta a khü ah mäih ah khü ba ci, Samuel naw, “Pyen ä, na changshäm naw ka ngai ci nei” cik ci.

LAMKTU 22:10

Kei naw, “Bawipa, Kei a i ah ka kyak khai ang” cine ng’shi ba ngätah, Bawipa naw, Tho law ne, Damaskas ah hteit ä, cu ah na gawk awn ah a i ah na kyak vai cu Khanpughi naw ning m’thein khai nei” cine pyein ci.

LUKA 24:5

Cun ah hnumi gui cu kyi ne kawp u khätah, cun ah chang goi naw, “A i ah kyasei ghing ne om cicu aksi ah om nak ah nami shui ang?

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”

TAIGÜTHUM 2:2

Cun kawn ah Aaron tuu taigü gui ah a law püi vai. Taigü bawi naw htang den shum ät, la situi ni, ang ui ni avan la neta, sonkiang khan ah am khih vai. Cun cu Bawipa am avan douthak m’khih nak ah kyak ci. Cun ah ei-douthak ah ang ui cu Bawipa naw yeikyai nak ci.

SAM 20:3

Na pektaak phung cu ning dou pe sä, Na khawihnah nak avan ung yeikyai nak om sä.

LAMKTU 3:4

Ngah ni naw ani cu m’htei neh teng ni netah, Peter naw, “Kei ni na teng gawi ä” cine pyen nak ci.

LAMKTU 14:9

Ani cu Paul ah ng’thu pyein ngoh ne ngai tuk ci. Paul naw ani cu kheing ne teng ne, anat nak a maih nak hlawt vai ah a yum nak a om cu hmu netah,