LAMKTU 10:34 - Cho Bible Common Language 2016

³⁴ Cun kawn ah Peter naw, “Khanpughi naw akcang ah chang ah müi hmai ak yaw ak däm kä teng ci, cicu ka hmat pyi ci nei.

LAMKTU 10:34 Referans Kwoze

ROMAN 2:11

Khanpughi naw chang nüng nüng cu, kä m’khoi hnga ne, m’khoi m’cha gui khai.

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

KOLOSE 3:25

Shetkat nak bik ciah chang phung naw, amät ah bi cu k’chaw nak khai nei. A i ah kyasei ci ung Khanpughi naw akchang sing cu amät ah bi phäh phäh awn m’khoichak ci nei.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

EPHESIAN 6:9

Bawi mang gui, nangmi naw phi nami changshäm cu acun ah mäih ah nami om püi vai nei. Nami m’kyihkyawk nak gui cu nami m’düm vai nei. Nangmi la nami changshäm gui cu, khankho ah Bawipa tumat bäng naw ning khäm gui ne, yodäm pyammang käm hnga ne a täng ah m’khoi chaa nak bik ci cicu nami shüm vai nei.

LUKA 20:21

Ngami naw “Sayapa, na ng’thu la na m’theithang cu hman ciah kami hmat ci. Nang cu chang ah hmai kä teng-en ah Khanpughi ah ng’düng nak ah mawng bäng na pyein ci.

JAMES 2:9

Cun ung phi chang ah yodäm düt nami teng ah a kyak ung, cheishoh nak nami bik ci kya ne, thukhän nami m’shet ah phäh ah m’khoichaa nak nami gah khai nei.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

JAMES 2:4

nangmi cu chang khinkhawn ne, akshe nami m’lung ngai ciah kä kiak khai aw!

THULÄÄN NAK 16:19

Ngami cu kä taga ciah kä kyak khai gui, ami ng’thumcha nak ung m’khoihnga nak kä m’dang khai gui. Ng’mü khawh kä dou khai gui, cüivai ci la düng ci chang ah mik phi m’cümhnah nak naw m’dauh sak ci. Acun naw hma ci m’hnüt bäi nak pe gui ci.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

MATTHE 5:2

A ngoh nak pei ah ang düihpüi gui naw veing ne k’bui u khäta shin ah theithang gui ci;

LAMKTU 8:35

Philip naw acun ah cangcim awn tün neh, Bawipa Jesuh ah mawng Thu k’Ni cu m’thein tuk ci.

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

ROMAN 3:29

Khanpughi cu Jew chang gui ah Khanpughi bäng ah kya ne ang! Chang khui hei gui ah Khanpughi ah kä kya tu ne ang! Akcang ah van ah Khanpughi ah kyak ci nei.

JAMES 2:1

Phäi nau gui aw, nangmi cu Bämang ciah Bawipa Jesuh Khrit cu nami yum ciah kyasei, chang ah yodäm pyam mang teng ne kä nami om ih vai nei.