LAMKTU 10:30 - Cho Bible Common Language 2016

³⁰ Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

LAMKTU 10:30 Referans Kwoze

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

LAMKTU 1:10

Cun ah a kai kawn ung ang düihpüi gui cu, khankho cäi ne dan ci gui. Cun yah ung abauk sui ciah chang gawi ami pei ah ng’dang law ni ne tah,

LAMKTU 3:1

Khaw hnüüp ät ung Peter lah Johan cu kho k’awinu, k’taigü nak khin ung pum im ah hteit ci gawi.

LUKA 24:4

Cun ah kyasei ngaih-tüh khit u ne ami kyak yah ung, pyü ne khang sei suisak ciah chang hnih cu ami ma ah ang ghit ah ng’dang lawk ci goi.

MAKUH 16:6

Cun ah chang naw, “Kä kyikyawk vä, nangmi naw kutlamtung ung tai ne nami ngawn ah Nazaret chang Jesuh cu nami shui ciah kä kya ne ang? Ani shin ung kä om ba ci nei, sih nak ungka tho ba pyi ci nei. Teng shüm vä, shin cu ani ah a gook phuh nak te ah kyak ci nei.

MATTHE 28:3

Ani ah müi cu kho alai läp ah mäih ah kya ne, ani ah sui cu khlüi toi ah mäih ah bawk ci.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

DANIEL 10:12

Cun kawn ah ani naw, “Daniela, kä na kyih vai nei. Nang naw hmuhmat nak na gah vai ah na mät naw na mät ng’neim sak ne, na k’ba’i ah hnüüp ung tün ne, Khanpughi naw na taigü cu ng’yak ci nei. Kei cu nang ah taigü ka ning m’shang khai ah ka lawk ci nei.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LAMKTU 10:29

Cun ah kyasei, kei cu na khü ci sei kä shokshü ne ka lawk ci, kei nah na khü ah mawng cu pyein law shüm ä” cine pyen nak ci.

LAMKTU 10:31

“Konelius! Na taigü cu Khanpughi naw ng’ya ne, na peit taak cun phi do pyi ci nei.