LAMKTU 10:3 - Cho Bible Common Language 2016

³ Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

LAMKTU 10:3 Referans Kwoze

LAMKTU 3:1

Khaw hnüüp ät ung Peter lah Johan cu kho k’awinu, k’taigü nak khin ung pum im ah hteit ci gawi.

LAMKTU 5:19

Cun ung phi khaw mü ah Khanpughi ah khankhaw chang naw, thawng m’kawt cu hmawng ne, ang düihpüi gui cu ak pung ah m’hlaut gui netah,

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

HEBRU 1:4

Ahtapa cu khanchang gui ah küikyang pi khai ah tüi m’hnüt ne, aming cun phi küikyang pi khai ah Khanpughi naw pek ci.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 11:13

Konelius naw a im kyong ah khankho chang ng’düi law sei a hmuh ah mawng la, cun ah khankho chang naw Joppa gawnu ah chang tüi ne Simon Peter ming nak ciah chang cu va khü ä.

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

LAMKTU 10:19

Peter naw amik hmuh ah mawng a ngaih-tüh khit sang ung, Mumcha Theing naw, “Chang thum naw ning shui lawk ci gui nei,

LAMKTU 10:17

Peter naw cun ah amik hmuh ah mawng cu ak tung ah ngaih-tüh ne om ci. Cun yah ung Konelius ah tüih law ah chang gui cu, Simon ah im k’tä ne shui u ne, m’kawt law pei ah gawk law ne ak düi ci gui.

LAMKTU 9:10

Cun yah ung Damaskas ah Ananias ming nak ciah, Khritha tumat om ci. Ang muimang ung Bawipa naw, “Ananias awi” ci neh khü khätah, “Shi ah ka om ci nei Bawipa” ci neh äi ci.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

LUKA 2:13

Cun vai-am chünla ciah khankho gakap gui cu khankho chang veing ne ng’dang law u netah;

LUKA 1:11

M’khih ne vawihpeh nak mangkiang k’patlam ung Bawipa ah khankho chang dang law sei;

MATTHE 27:46

Kho k’awi nu nayi thum akhin ung Bawipa Jesuh cu, “Eli. Eli, Lama sabachthani,” cine ng’shan sei m’lau ci. Acun cu “Ka Khanpughi a i ah kyasei kei na na nawng ang” cine a pyein ah kyak ci.

ISAIAH 45:4

Ka chang shäm Israel, kei naw ka ghü ah chang cu na m’htei htang khai ah, kei naw nang cu ka ning m’düih nei. Kei naw nang cu adämduh ah ka ning m’tamkhah nei. Cun pang ung phi nang naw kei cu kä na na hmat ci nei.

PHYAWN NAK 33:17

Bawipa naw Moses am, “Tuhbäi nak thäh ah mäih ah kei naw ka bik khai nei. Kei naw nang cu akni ah ka ning hmat ci, nang ah khan ah ka yeikyai ci nei” cik ci.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

LAMKTU 10:9

Ngami cu hteit gäk gäk u ne, a ngawi ung Joppa gawnu pei ah gawk law ci gui. Cun yah cu kho hnüüp lung yah ah kya sei Peter cu taigü khai ah im kiungah hang kai ci.