LAMKTU 10:22 - Cho Bible Common Language 2016

²² Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

LAMKTU 10:22 Referans Kwoze

LAMKTU 11:14

Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.

LAMKTU 10:2

Ani la akyong ungka gui ami van cu Khanpughi yum ne kyih aa ci gui ah kya ci. Ani cu Jew chang gui am akda pe taak gui ne, angtäi sei Khanpughi ah taigü ne om ci.

3 JOHAN 1:12

Chang nüng naw Demetrius ah ni nak cu pyein ci nei, thudüng mät naw phi ani ah ni nak cu dang sak ci nei. Keimi naw ani ah ni nak cu kami be sak hlük ci, Keimi ah thu ang düng ah mawng cu, nangmi naw nami hmat ci nei.

2 PETER 3:2

cau pui profet theing gui ah ng’thu pyein la Hunbawipa naw ang düihpüi gui awn a ning peit gui ah thu khän cu nami shum vai ah ka ng’ya hlük ci nei.

HEBRU 12:23

Nangmi cu Khankho ah ang ming ami guk ah Khanpughi ah hta ak tahnga gui ami ng’bum nak ah yeikyai ne nami gawk pyii ci nei. Nangmi cu hnicim chang avan m’khoichak ciah Khanpughi la kümbe ciah chang gui ah mümcha gui ah om nak ah nami gawk pyii ci nei.

HEBRU 11:2

Cau chang gui cu ami yum nak awn Khanpughi am tamkhah nak gah man ci gui.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

1 TIMOTHI 3:7

Ani cu Khrithabum ah ak pung ah chang hei gui naw phi ami chang m’sui tu ah kyak khai, cun ung vah khoshe ah kut ung phi kä gawk hlawt khai.

2 KORIN 5:18

Cun avan cu Khanpughi ah bi ah kyak ci, Khanpughi naw mikmi cu a gaa ungka a teihpüi ah Bawi Khrih awn na ng’thon sak gui ci, chang hei gui cun phi a teihpüi ah ami kyak law tu vai ah, bi nak vai cu na pe gui ci.

ROMAN 1:17

Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.

LAMKTU 24:15

Kei cu Khanpughi ka yum ci kya ne, chang k’ni, chang she, chang avan cu, sih nak kung kaa tho ba khai ah ka ngaih u ci. Acun ah mäih ah ngami naw phi yum ne ngaih u ci gui.

LAMKTU 22:12

Cun ah gawnu ah Ananias ming nak ciah chang tumat om ci. Ani cu thukhän läk ne yum nak om ciah chang ah kyasei, Cun ah gawnu ung om ciah Judah chang avan naw amik chang m’sui ah chang ah kya ci.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

LAMKTU 10:6

Ani cu mehvun pyang ciah Simon ah im ung om tuk ci, cun ah im cu tuinu kem ah om ci” cine pyen nak ci.

LAMKTU 6:3

Cun ah kiah sei, phäi nau gui aw, nangmi ung ka Mumcha Theing awn be neh hmuh hmat nak om ciah chang sing chih nami ghü vai, shin ah mawng bik khai gui ah ngami cu kami m’düih gui khai.

JOHAN 17:20

“Kei cu ngami ah hmawk bäng ah kä ka taigü ci, ngami ah thu pyein nak awn kei na yum lawk ci gui ah hmawk ah phi ka taigü ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

JOHAN 6:68

Simon Peter naw, “Bawipa, a u ah om nak ah keimi kami hteh vai ang? Nang Bawipa bäng naw vah angtäi ghin nak ah ng’thu cu na pyein ci.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

LUKA 23:50

Judea kho Arimathea pigaw ungka Josef ming nak ciah chang ng’vai tumat om ci.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

MAKUH 8:38

Khanpughi kä shüm ne shetkat nak ah tuhchü akhin ung, kei ah hmawk la kei ah m’theithang ah hmawk ah lü ng’a ciah chang cu, Apa Khanpughi ah bämang nak awn, chang ah Htapa, khanchang theing gui naw’ kiuung u sei a kyum law ba hnüüp ung ani ah hmawk ah lü ng’a nak om khai nei” cine kyak na gui ci.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

MATTHE 1:19

Josef cu düng ciah chang k’ni ah kya ne, chang ah ma ah Mari a lü ng’ va kä ng’ya hlü netah, ng’häng ba vai ah ngaih-tüh ci.

HABAKKUK 2:4

Cun ah ng’thu ung, ‘Shekak ci gui cu kä ghing ba khai gui, ng’düng ciah chang gui cu ghing khai gui, a i ah kyasei ci ung ngami cu Khanpughi ung bekhüt ci gui’ ” ciah om ci.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.

MATTHE 2:12

Herod ghangpughang ah om nak lam ah kä ami hteh ba vai ah Khanpughi naw ami ng’mang ung m’thein gui khätah, ngami cu alam hei ung ami kho ah hteit ba ci gui.

LUKA 9:26

Kei la kei ah ng’thu ah hmawk ah lü ng’aa ciah chang cu, chang ah Htapa amät ah bämang nak la Apa ah bämang nak, khankho chang theing gui ah bämang nak awn, a kyum law ba hnüüp ung, ani ah hmawk ah lü ng’aa nak om khai.

LAMKTU 10:21

Cun ah kyasei Peter cu lut law netah, “Nangmi naw nami shui ah chang cu kei nei, a i a mawng om sei nami lawk ci ang?” cine ng’shi gui ci.

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

THU PHLAAN 14:10

Khanpughi ah m’lungshe nak ah khap ung kaa, nuipi ciah am lungshe nak ah kyak ciah sapyit tui cu awk khai nei. Cun awk ciah chang cu theing ciim ciah khankho chang la Htomehta ah maa ah yaam mei awn huut ne dukdeiu nak gah khai gui nei.

THULÄÄN NAK 30:13

Kä cun ung shin cu tuinu ah a hei ga täng ah kyak ci. Nangmi naw kä nami ng’shi vai cu, ‘A u naw tuinu kat ne hteit neta, shin cu keimi ah law püi ba khai aw? Cun ung keimi naw ng’ya u ne kami läk khai.’