LAMKTU 10:15 - Cho Bible Common Language 2016

¹⁵ Cun kawn ah k’aw ng’shan law ba mä ne, “Khanpughi naw theingthap ciah a pyein cu nang naw kä theingthap ciah kä na pyein vai” cine pyein ba ci.

LAMKTU 10:15 Referans Kwoze

1 KORIN 10:25

Nami m’lung ah ng’cim nak awn sumlei hmun ung ami yoih ah sa cu, kä awng-aa ling ah khleih ne nami ei vai.

MATTHE 15:11

Chang shetkat sak cicu m’gawnglei ung yulut vük ciah kä kiakci, m’gawnglei ungka lut lawk ciah kya ci,” cine kyak na gui ci.

TITUS 1:15

Amät ah m’lung kyong theingcim ciah chang ah hmawk ah a i phi avan theingcim ci; cun ung phi amät kä theingcim ne a yum nak kä om ciah chang ah hmawk ah a i phi kä theingcim ci. A i ah kyasei ci ung ngami ah lung kyong la ami ngaih-tüh nak cu kä ah theingcim nak awn ah kyak ci.

MAKUH 7:19

Ak pung lam ah kaa chang ah akyong ah lut ci phung cu chang ah m’lung kyong ung kä gawk hlawt ci, chi-khawn ung gawk netah pumsa ah ak pung ah lut law ba yawp ci. Cun ah kyasei chang ah pumsa kyong ah yulut vük ci naw chang kä shetkat sak hlawt ci, ci cu kä nami hmat ci ma?” cine pyen na gui ci. (Shin ah a pyein nak ung ei man gui phung cu avan ei vai ciah am dang nak ah kiak ci.)

ROMAN 14:14

Bawipa Jesuh ungka kawng ät nak naw, a i ei phi ang tüi püi ah kä ah theingthap nak kä om ci, cicu na hmat sak ci; cun ung phi, shin ah ei cu kä theing ci ciah yum ciah chang ah hmawk ah cun ah ei cu kä theing ci.

LAMKTU 10:28

Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei.

LAMKTU 11:9

A cun laih laih ah thum vei kya netah, acun gui cu khankho ah ng’lim ne maih ba ci gui.

ROMAN 14:20

Ei auk vai ei auk nak awn Khanpughi ah bi cu kä m’shet en vä. Ei vai phung cu ei vai kyak ci, cun ung phi cun ah ei ei nak awn chang tumatmat katnak ung luh sak khai a kyak ung, cun ah ei ei cu m’cheishoh nak ah kyak ci.

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

THU PHLAAN 14:20

Sapyit cu manggaw ah akpung ah neen u sei, neen nak ah khui ungka si ng’hlui lut law ne long ci. Cun ah si cu mäng phiaa goi ung long ne, dawng hmaa ah thuuk ci.

LAMKTU 10:16

Acun laihlaih ah thum vei a kyak awn ah, yihdung nu ah mäih ah kya lawk ci cu, khankho ah ng’lim ne maih ba ci.