LAMKTU 1:8 - Cho Bible Common Language 2016

⁸ Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

LAMKTU 1:8 Referans Kwoze

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

MAKUH 16:15

Bawipa Jesuh naw, “Khomdek khan avan ung hteit ne chang nüng nüng-am Thu Ni cu m’thein vä.

ROMAN 15:19

Cäicat vai ah cäi aih gui vai la ngaih khit gui vai, Mümcha Theing ah hlüngtai nak gui awn ah kyak ci. Cun ah kyasei kei cu, Jerusalem ungka naw Illyrikam ung khüt sei, ka hteh nak phung la ka gawk nak phung ung, Bawi Khrit ah mawng Thu Ni cu ak be ah ng’shäu ne ka pyein ci.

LAMKTU 5:32

Shin ah amawngung keimi cu saksi ah kami kyak ci, ang thu ngai ci gui am a yuk m’kyum lawah kyak ciah, Mumcha Theing cun phi saksi ah kyak ci” cine pyein tuba ci gui.

LAMKTU 4:33

Ang düihpüi gui cu hlüng tai nak awn k’thamah ne, Bawipa Jesuh a thawh law ba ah mawng cu saksi ci gui, Khanpughi naw phi ngah mi ah khan ah ng’büh mang nak hrilham cu k’be gui ci.

LAMKTU 6:8

Stephen cu Khanpughi ah bäkhäk nak la hlüngtai nak cu akbe ah gah ciah kiah ne, cäicat gui vai lah ngaih khit gui vai cu akda m’dang ci.

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

JOHAN 15:27

Nangmi naw phi kei ah mawng thu nami pyein khai, a i ah kya sei ci ung akhtük ge ung nangmi cu kei awn a täng ah nami om ci kyak ci.

LUKA 10:19

Ngai vä, nangmi-am m’khüt näng nak ka ning pe gui pyi ci nei. Am äm-ah k’phyu m’khaw gui la Satan khoshe ga nüng nüng nami m’khüt näng khai nei.

LAMKTU 1:5

Johan naw tui awn hnim nak pek ci, cun ung phi nang mi cu kä sho pha seih Mumcha Theing awn hnim nak na mi gah khai” ci neh m’cäi gui ci.

MATTHE 24:14

Khankho uknak ah mawng thu ni cu khodek khan avan ung chang nüng ah ma ah saksi ne pyein yawp kawn ah, kho ah ng’pyi nak vai ah khin cu gawk lawk khai nei.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

LAMKTU 22:15

Nang cu na hmuh na ng’yaak gui a van na pyein khai ah cun ah Bawi ah saksi ah na kya khai nei.

MIKHAH 3:8

Cun ung phi kei cu Bawipa naw a mümcha la ahuham awn nakbe ne, taga nak ah mawng la Israel gui ah katnak m’thein nak gui vai ah thagui na pek ci.

SAM 22:27

Chang avan naw Bawipa cu shüm khai gui. Khaw cawi päng ah ka, ani ah ng’hlat lawk khai gui; Chang pakhui avan naw khawihnah khai gui.

LAMKTU 13:31

Cun kawn ah ani cu, Kalile ungka naw Jerusalem ah a täng ah ng’gui lawk ci gui ah chang gui ah ma ah kho hnüüp ak sho dang ba ci. Cun ah chang gui cu tuk bäi chü Israel chang gui ah ma ah Hunbawi ah mawng pyein ne saksi ci gui.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

KOLOSE 1:23

Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

SAM 98:3

Ani naw a bekhüt nak la ng’täi ciah am hni nak gui awn, Israel chang gui ah mi Khanpughi ah näng nak cu kho päng ung om ciah chang van naw hmu pyi ci nei.

LUKA 24:29

Cun ung phi ngani naw, “Tuhbäi kho mü lawk khai kyak ci, keimi awn a täng ah mi ip tu kaw, cine khü tuk ci goi. Bawipa Jesuh cu ngani awn a täng ah ip tuk khai ah läk tu goi ci.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.