LAMKTU 1:24 - Cho Bible Common Language 2016

²⁴ Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

LAMKTU 1:24 Referans Kwoze

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

ROMAN 8:27

Chang gui ah m’lung kyong hmu thei ciah Khanpughi naw Mumcha ah m’lung ngaih cun phi hmat yawp ci. A i ah kya sei ci ung Mumcha naw Khanpughi ah ang yak hlü ah, ak chang gui ah phäh ah ang yoih ah hmawk ah kyak ci.

LAMKTU 14:23

Ngahni naw khritha bum päng ung a gham gui hei m’düih vü ne, ei hlawi ne taigü nak awn, ami yum ah Khanpughi ah ap gui ci ci goi.

LAMKTU 6:6

Zum ci gui naw cun ah chang gui cu, ang düihpüi gui ah pei ah law püi u khätah ami khan ah ami kut taih ne taigü pe gui ci gui.

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

JEREMIAH 20:12

Cun ung phi m’gäi ciah Bawipa, nang naw chang gui cu taga khai ah na m’nüm ci; ngami ah ami m’lung ngaih kyong ung a i om ci, cicu nang naw na hmat ci. Ka ga gui ah khan ah phu na tuk cu na hmuh sak ä, kei ah ka mawngma cu nang ah kut khui ung ka tha ci nei.

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

NG'THU K'THUUK~ 15:11

Sih nak ah khaw ung om cicu Bawipa naw ka a hmat vai ah ka k’pang hlawt ci, a i cha ah chang naw amlung ngaih cu, Khanpughi ah ma ah thup hlawt khai aw?

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 GHANGPUGHANG GUI 8:39

ami taigü cu ngaih pe gui ä. Khankho na im ah ka naw ngami cu ngai gui ä, m’geinsei gui ä, m’hteihtang gui ä. Nang bäng naw vah hnicim chang ah m’lung ngaih cu na hmat ci. Chang päng cu amät ah om ah ciah om püi ä,

KHEI NAK 27:16

Bawipa Khanpughi, ghin nak avan ah phung ah na kyak ci, ka taigü ci nei, chang gui tängpang püi gui hning khai cu m’düih ä,

1 SAMUEL 14:41

Saul naw, Bawipa, Israel gui ah Khanpughi ah ma ah “Bawipa, a i ah kyasei tuhngawi kä na na m’shan ang? Bawipa, Israel Khanpughi, theingcim ciah lung gui awn na m’shang ä. Cheishoh nak cu Jonathan ah baw, kei ah baw a kyak ung, Urim awn na m’shang ä; na chang Israel gui ah a kyak ung Thummim awn na m’shang ä” cik ci. Am shan nak naw Jonathan la Saul cu m’dang ci; cun kawn a chang gui cu ci ci gui.

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.