LAMKTU 1:15 - Cho Bible Common Language 2016

¹⁵ Kho hnüüp api sho law khä tah, yum ciah chang gui phia lah m’ku cu ng’bum lawk ci gui.

LAMKTU 1:15 Referans Kwoze

1 KORIN 15:6

Cun kawn ah a hnu ah läk ciah chang phya hma naw a täng ah ami hmuh vai ah ng’dang ba ci. Cun ah chang gui ungka amshah a sih ung phi akda pi cu tuh güt ghing ci gui.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

LAMKTU 21:20

Ngami naw Paul ah m’thein tu gui cu ng’ya u netah Khanpughi cu m’hlüngtai ci gui. Cun kawn ah Paul am, “Kami nau Paul aw, Judah chang gui ung kaa, tämkäk phia khak naw Bawipa Jesuh cu yum law u ne, ngami naw thu khän läk vai ah a i hlawk ah ami ng’yaak hlü cu na hmat pyi ah kya ci nei.

JOHAN 21:23

Cun ah kyasei, ‘Cun ah ang düihpüi cu kä si hlawt khai’ ciah Bawipa Jesuh ah ang düihpüi gui ami van ung ng’thu yat ci. Cun ung phi Bawipa Jesuh naw ani kä sik khai ah a pyein ah kä kyak ci, “Kei ka law ba güt ani ghing ne a om vai ah, kei naw kang yak hlü ung phi, nang naw na pyein vai kä om ci” a ciah kyak ci.

THU PHLAAN 3:4

Cun ung phi Sadis gawnu ung asui theing sak ci api om ci. Nangmi cu nami khin khaa ci kyasei, sui bawk sui ne kei awn, nami hteit hton tu ghawm khai nei.

JOHAN 14:12

Kei naw akcang ka pyein cu, Kei na yum ciah chang naw kei ah bi gui cu bi hlawt khai.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

MATTHE 13:31

Bawipa Jesuh naw a hei tumat awn m’tumtäng ne a pyein cu, “Khanpughi ah uknak ah kho cu shin ah mäih ah kyak ci. Chang tumat naw anhta ui cu la ne aloma ah geit ci.

LAMKTU 10:23

Peter naw cun ah chang gui cu kyong ah khü gui netah, cu mü ih tu sak gui ci. A ngawi ung Peter cu khü lawk ci gui ah yung ah theit tu sei, Joppa gawnu ah kaa yum ciah chang gui cun phi hteit tuk ci gui.

LAMKTU 11:1

Chang pakhui hei gui naw phi Khanpughi ah Thu Ni ami dogah tu ah mawng cu Judea kho ung ang düihpüi gui la yum pyi ci gui ah chang gui naw ng’ya ba ci gui.

LAMKTU 11:12

Mumcha Theing naw kä ng’shauk ne ngami ung ka ng’läk tu ge vai ah pyein ci. Joppa gawnu ah kaa yum ciah chang sing chuk cun phi kei awn a täng ah hteit tu u sei, kami van cu Konelius ah im ah kami lut ci.

LAMKTU 11:26

Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

LAMKTU 14:2

Cun ung phi kä yum tuk ciah Judah chang gui naw, chang pakhui hei gui cu touk gui u ne, yum ci gui kä ami yei nak gui vai ah m’thüi ci gui.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

LAMKTU 15:3

Khrithabum gui naw cun ah ami chang ghü gui cu pigaw k’pung ah khüt ne tha gui u sei, Rhoenicia la Samaria kho gui cu sun ne hteit ci gui. Cun ah ami hteh nak lam ah khritha gui ah ma ah changpakhui hei gui naw Khanpughi ami yum law tu a mawng cu m’thein tu gui ci gui; cun ah a mawng gui cu ng’ya u netah yum ciah chang gui cu yeikyai ci gui.

LAMKTU 16:2

Listra la Ikonium ung om ciah khritha gui naw Timothi cu m’hlüngtai ci gui.

LAMKTU 16:40

Paul la Silas cu thawng ungka lut law ba ni ne, Lidia ah im ah hteit ci goi. Cun kawn ah yum ciah phäi nau gui awn ng’hmuh u netah, thamah nak ah thu ani pyein kawn ah cun ah gawnu ungka naw hteit ba ci goi.

LAMKTU 17:6

Shui ne kä hmu goi u netah cun ah chang gui naw, Jason la yum ciah chang amshah cu pha ne, bawi ng’vai gui ah ma ah law püi u netah, “Shin ah chang gui naw theit shüi shüi ne chang yaica sak ci gui, ngami tuk bäi mikmi ah gawnu ah gawk law u sei Jason naw a im ah dou gui ci.

LAMKTU 17:10

Kho a mü law vai-am yum ciah chang gui naw Paul la Silas cu Berea gawnu ah tüi goi ci gui. Cu ah gawk ni netah ngahni cu pum im ah hteit ci goi.

LAMKTU 17:14

A cun vai am yum ciah chang gui naw Paul cu tuinu kam lam ah hteh sak ci gui. Silas la Timothi läi cu Berea ah om shüt ci goi.

LAMKTU 18:18

Paul cu Korin ah yum ci gui awn a täng ah kho hnüüp akda om netah, Priscilla la Akuila awn ng’gui ne Siria kho ah htinpaw awn hteit ci gui. Kenkhrea ungka htinpaw kä a ng’düih law phaung, Paul cu Khanpughi ah thu khän bik ci kyasei a lu k’teiu ci.

LAMKTU 18:27

Apollos cu Achaia kho ah hteit hlü khä tah, Epheus ah yum ciah chang gui naw Achaia ah yum ciah chang gui am, ang hmat nak tu vai ah ca guh ne m’kan ci gui. Ani ci Achaia kho ah gawk netah Khanpughi ah m’gein nak awn yum ciah chang gui cu ak tung ah bilawh püi gui ci.

LAMKTU 21:7

Keimi cu Tire ungka naw Ptolemais pigaw ah gawk u ngäh sei, yum ciah chang gui naw na dou law gui u sei, a cu ah hnüüp ät kami om tuk ci.

LAMKTU 21:17

Keimi cu Jerusalem ah kami gawk law yah ung yum ciah chang gui naw ak ni ah na dou gui ci gui.

LAMKTU 22:5

Kei naw ka pyein akcang ah a kyak cu, Taigü tung la Kawngsi ng’vai gui mät saksi hning khai gui nei. Ngami naw Damaskas ah Judah chang phäi nau gui am ami guk gui ah ca cu, kei naw ka gah ci. Cun ah kyasei Cun ah Bawipa yum ciah chang gui phung pha ne Jerusalem ah law püi ne m’kat gui vai ah, kei cu Damaskas ah ka hteit ci.

LAMKTU 28:14

Cun ah pigaw ah yum ciah chang gui awn ng’hmuh u ne, kho hnüüp chih kami om vai pyein ne na chou gui u sei, om tu u netah, Romah ah k’täih ne kami hteit ci.