LAMKTU 1:13 - Cho Bible Common Language 2016

¹³ Ngah mi cu pigaw ah gawk u ne tah, ami im kai ah im kyawng ah lut ci gui: cun gui cu, Peter, Johan, James, Andru, Philip, Thomas, Bartholome, Matthe, Alfeas ah hta James, Simon ak ling lah James ah hta Judas gui ah kyak ci.

LAMKTU 1:13 Referans Kwoze

LAMKTU 20:8

Keimi ah ng’bum nak ah kyong khui ah mei im akda kami m’däi ci.

LUKA 22:12

Im mah naw, a im ah khan ah kyong ang shawngnu ning m’hnuh gui khai, acun ung nami pyan vai” cine m’cäi goi ci.

MAKUH 14:15

Ani naw a khan kyong khui cu ning mihmuh goi khai, acun ung a päng küm be khai nei,” cine m’cäi goi ci.

MAKUH 2:14

Cun kawn ah Bawipa Jesuh naw a hteh nak ba ah khon ami loh nak ah yung ung ngok ciah Alphaeus ah hta Levi cu hmu netah, “Ka hnu ah na läk ä” cine khü khätah, Levi naw ng’düi law ne a hnu ah läk ci.

JAMES 1:1

Kei James, Khanpughi la Bawipa Jesuh Khrit ah changshäm naw, khomdek khan avan ung om ci gui ah Khanpughi ah chang gui-am, yeikyai nak thu ka ning m’khäh gui ci nei.

LAMKTU 12:17

Peter naw a düm ah ami om vai ah a kut awn nüt ne m’cäi gui netah, Khanpughi naw thawng ungka ak phiawn ba ah mawng cu m’thein tu gui ci. Cun kawn ah “Shin ah mawng cu James la khritha phäi nau gui am m’thein tu gui vä” cine m’cäi gui netah a kho hei lam ah hteit ci.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.

KALATIAN 1:19

Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

LAMKTU 15:13

Ngah ni naw a ni pyein yawp kawn ah James naw, “Phäi nau gui aw, na ngai tu vä!

LAMKTU 4:19

Cun ung phi Peter la Johan naw, “Nang mi ah ng’thu ngaih vai lah Khanpughi ah ng’thu ngaih vai cu, Khanpughi lam ah ngaih ung a i, ang düng pi ah na mi mät naw m’khoi chah vä;

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

LAMKTU 2:14

Cun kawn ah Peter cu ang’düihpüi chang gha lei ät ah ng’lung ah ng’düi law ne tah, ak’aw ng’shawng awn, “Judah chang gui lah Jerusalem ung om ciah chang gui, nami van naw nang ngai vä, shin ah mawng cu ka ning m’thien gui khai.

JOHAN 21:2

Ang dang ba ah mawng cu: Simon Peter, Thomas (ang phi ah ming ci), Nathanaelah (Kalile kho Kana ah kaa), Zebedee ah hta goi la a hei ang düihpüi hnih goi ni gui cu a täng ah om ci gui.

JOHAN 18:17

M’kawt ngäng ciah hnumi hta naw, “Nang phi ani ah ng’düihpüi ah kä kya ne ang?” cine ng’shi khätah, Peter naw, “Ka, kei ah kä kyak ci nei” cik ci.

JOHAN 11:16

(Ang phi ah ming ciah) Thoma naw, “Sayapa awn a täng ah sih vai ah mi van mi hteit tuk khai” cik ne apaw gui pyen na gui ci.

MAKUH 14:33

Cun kawn ah Peter, James la Johan ni gui cu, a hteh nak ah khah püi gui ci. Bawipa Jesuh cu ang htei ah yaica ng’ä ng’ai netah,

MAKUH 9:2

Cun ung ka naw hnüüp chuk lüng khätah Bawipa Jesuh naw, Peter, James la Johan ni bäng khah püi gui ne, hlüng ciah khomhtung ah kai püi gui ci. Acun vai-am ami hmuh ge ah Bawipa Jesuh ah müi hmai cu ng’khuk hlat lawk ci.

MAKUH 5:37

Cun kawn ah Peter, James la anau Johan gui bäng khah püi gui ne hteit ci.

MATTHE 9:9

Bawipa Jesuh naw cun ungka a hteh nak ba lam ah, ayung kyong ah ngok ciah, akhawn look ciah Matthe cu hmu netah, “Ka hnu ah na läk ä,” cine kyak na sei, Matthe cu tho law ne a hnu ah läk tuk ci.

2 JOHAN 1:1

A ng’vaihta kei naw, akcang ah kam hni ah hnumi nu la a hta gui am ca ka guk lawk ci nei. Kei bäng ah kä kyak ciah thu thuuk ung m’hni nak hmat ci phung naw, nang cu ning m’hni ci nei.

1 KORIN 15:7

Cun kawn ah James ah maa ah dang ba ne, ang düihpüi ami van ah maa ah phi ng’dang ba ci.

JOHAN 14:22

(Judas Iskariot ah kä kyak ciah) a hei Iskariot naw “Bawipa a i hawkchaa ah m’dek chang gui ung kä dang ah keimi gui ung nang dang khai ang?” cine ng’shik ci.