LAMKTU 1:10 - Cho Bible Common Language 2016

¹⁰ Cun ah a kai kawn ung ang düihpüi gui cu, khankho cäi ne dan ci gui. Cun yah ung abauk sui ciah chang gawi ami pei ah ng’dang law ni ne tah,

LAMKTU 1:10 Referans Kwoze

LUKA 24:4

Cun ah kyasei ngaih-tüh khit u ne ami kyak yah ung, pyü ne khang sei suisak ciah chang hnih cu ami ma ah ang ghit ah ng’dang lawk ci goi.

JOHAN 20:12

m’kawt tung kawp ne yuk m’kein netah, Bawipa Jesuh ah a gook ami shän nak ung, alu täng ah tumat, ale täng ah tumat, a bawk pük pük sui ciah khankho chang goi cu ngo ni sei hmu goi ci.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

MAKUH 16:5

Cun kawn ah ngami cu khui m’kawt ung va lut u netah, a bawk pükpük sui ciah ak hmaw chang tumat k’pat lam ung ngo sei hmuk ci gui. Cun ah kyasei ngami cu cäicat ci gui.

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

MATTHE 28:3

Ani ah müi cu kho alai läp ah mäih ah kya ne, ani ah sui cu khlüi toi ah mäih ah bawk ci.

MATTHE 17:2

Ngami naw ami hmuh ge ah Bawipa Jesuh ah amüi cu ng’khukhlat lawk ci, a hmai cu khohni ah mäih ah pyü ne, a suisak gui cu bawk-en phäng phäng ne khang ci.

DANIEL 7:9

Kei naw ka teng sangung mang im kyong ah mang kiang gui ka hmuk ci. Mang kiang tumat ung angtäi ghing ci tumat ngok ci. Ani ah suisak gui cu khüi ah mäih ah bawk ne, alu sam cu htome ah mu ah mäih ah kyak ci. Mei ah däi ciah ping gui ah khan ah mang kiang cu mei ah cang ci.

THU PHLAAN 3:4

Cun ung phi Sadis gawnu ung asui theing sak ci api om ci. Nangmi cu nami khin khaa ci kyasei, sui bawk sui ne kei awn, nami hteit hton tu ghawm khai nei.

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

2 GHANGPUGHANG GUI 2:10

Elijah naw, “Cun ah ning pek vai cu khak ngai ci nei. Cun ung phi nang na om nak ung ka, kei ami na hteh püi law yah ung, na na hmuh ah a kyak ung, nang naw na gah khai nei; kä na na hmuh ah a kyak läi ung kä na gah khai nei” cik ci.