KOLOSE 4:6 - Cho Bible Common Language 2016

⁶ Nami ng’thu pyein phung cu yeikyai nak vai la ngaih hlü vai ah kia sä. Chang nüng ah ng’thu a i chaa ah ng’düng khai ah m’hlan ba thei vai cicu nami hmat kheng geng vai nei.

KOLOSE 4:6 Referans Kwoze

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

1 PETER 3:15

Nami m’lung kyong ung Bawi Khrit cu kyih aa u ne, Bawipa nei ci ne m’tamkhah vä, Ani yum ne nami ngaih u ah mawng ning shi gui ci a om ung, nami m’thein tu ge thei vai ah nami om vai nei.

THUSHÄUTU 10:12

Cüivai ciah chang cu angthu naw ng’tamkhah sak ci, cun ung phi angtam ciah chang cu amät ah ang thu naw m’di ci.

MAKUH 9:50

“M’shi cu nik ci, cun ung phi a tuui amaih ah a kyak ung, nangmi naw a i cha tuui khai ah kä nami pyang ba hlawt khai. “Nangmi ung teihpüi mah nak ah m’shi cu om sak u netah, nami mät gui dimdeeih nak awn om vä” cine m’cäi gui ci.

NG'THU K'THUUK~ 15:4

Ng’awigi ciah ng’thu naw ghin nak law pui ci. M’gak ciah ng’thu naw mümcha m’di ci.

NG'THU K'THUUK~ 15:7

Hmuhmat nak cu cuivai chang naw ng’shawng sak ci, chang gu ang naw ka ng’shawng sak hlawt ci.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

MATTHE 5:13

Nangmi cu chang nüng ah hmawk ah m’shii ah mäih ah nami kyak ci. M’shii cu atui a maih kawn ah tui ba khai ah kä pyan ba hlawt nei. Kä ei mang ba phia sei, k’tai ah ghawh ung chang gui naw kai nak ci gui.

NG'THU K'THUUK~ 10:21

Changni ah ng’thu naw chang akda bä sak ci, cun ung phi gu-ang cicu amät ngawn ci.

SAM 119:46

Na thumkhän gui cu kei naw ghangpughang gui ah ma ah ka ng’shäu khai, kei cu kä ka lü ng’aa khai.

SAM 105:2

Bawipa m’taam ne ng’äi vä; cäicat vai a bi gui cu pyen vä.

SAM 45:2

Nang cu na kyom pi bäih ci, na ng’thu thei pi bäih ci. Khanpughi naw angtäi sei hriham ning pek ci.

LUKA 4:22

Chang gui naw ani cu m’tamkhah u ne, ang thu pyein cun phi ngaihtüh u netah, “Ani cu Josef ah hta ah kä kya ne ang?” ci ne kyak ci gui.

SAM 119:13

Nang naw na na pek ah na thukhän gui cu ang shawng ah ka pyen ba khai nei.

SAM 66:16

Khanpughi m’kümto ciah chang gui, law ne ngai law vä, kei ah hmawk ah abi gui cu ka ning m’thein gui khai nei.

1 SHONTÄP NAK 16:24

Abämang nak cu chang pakhui gui ung ng’shäu vä, m’gäi ciah a hnünthawh nak cu chang van am m’thein vä.

THULÄÄN NAK 11:19

Nami hta nau gui am nami m’theithang gui vai. Im ah nami om yah ung, sang ah nami hteh yah ung, nami ng’chiin yah ung, nami ng’bi yah ung nami m’thei gui vai.

TAIGÜTHUM 2:13

Htang douthak phung ung m’shii shum vai, a i ah kyasei ci ung nang la Khanpughi ah ng’lak ung thukhän cu m’shii naw dang sak ci. (Nami douthak vai phung ung m’shii nami shum kheng geng vai.)

EZEKIEL 43:24

kei ah na law püi vai. Taigü naw ami khan ung m’shi awn k’peh neta, m’khih ne kei am na douthak khai.