KOLOSE 4:3 - Cho Bible Common Language 2016

³ Keimi ah hmawk ah phi nami taigü vai. Cun ung Khanpughi naw keimi-am a khin k’ni cu na pe gui sei, keimi naw ng’yih ciah Bawi Khrit ah mawng, ng’Thu Ni cu kami shui khai. Acun ah hmawk ah kei cu tuhbäi chü thawng ung ka kium ci nei.

KOLOSE 4:3 Referans Kwoze

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

KOLOSE 1:26

Cun ah Thu Ni cu hta ng’shon ung chang avan ung ng’yih te ciah kiak ci, cun ung phi tuhbäi ak chang gui-am phawn ne m’dang gui ci.

2 KORIN 2:12

Bawi Khrih ah mawng Thu Ni ng’shäu vai ah Troas ung ka gawk law yah ung, a cu ah a khuut bi vai ah Bawipa naw lam kawt na hmawn pe sei ka hmuk ci.

2 TIMOTHI 2:9

Kei cu Thu Ni ka pyein ah phäh ah ka geinvai ci, m’si gui awn phi ami na khih nak ah kyak ci. Cun ung phi Khanpughi ah Thu läi cu khih pawn nak kä om ci.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

EPHESIAN 4:1

Cun ah kyasei Bawipa ah khuut ka bi hmawk ah thawng ka kyum ciah kei naw ka ning m’tholet gui ci nei. Nangmi cu Khanpughi naw khü ne a ning m’düih nak gui awn ng’müi khai ah, hnu m’khin, ma m’hlawi ne nami ghin vai nei.

1 KORIN 16:9

A cu ah kei na hnu ng’tuk püi ci akda om pang sei phi, a khuut bi nak vai a khin akni om ci nei.

1 KORIN 4:1

Nangmi naw keimi cu Khanpughi ah ng’düngciim nak lüüng ne m’htei ci gui ah, Bawi Khrih ah changshäm ah kami kyak ciah nami hmat vai nei.

1 THESSALONIAN 5:25

Phäi nau gui aw, keimi ah hmawk ah phi nami taigü vai nei.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

PHILIMON 1:22

Cun kawn ah ka om nak vai na na shui peit vai nei. Khanpughi naw nangmi ah taigü nak cu ngai ne, kei cu nangmi ah om nak ah na law ba sak khai ah ka ngaih u ci nei.

PHILIPPIAN 1:19

Nang mi ah taigü nak la Bawi Jesuh Khrit ah Mumcha ah nam hteihtang nak awn cun cu kei ah phyawn law nak vai ah kyak ci.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

EPHESIAN 3:3

Khanpughi naw thuuk ciah a pawngpüi gui cu kei-am nam thein ci. (Shin ah mawng cu ak tawi ah kei naw ka gu pyi ci,

EPHESIAN 3:4

Nangmi naw cun ah ka guk cu nami phat ah a kyak ung, Bawi Khrit ah mawng ak thuuk cu kei naw ka hmat ah mawng cu nami hmat khai nei.)

EPHESIAN 3:9

Khanpughi ah thuuk ciah ng’bü nak cu, a i cha dang lawk khai ci cu, chang gui naw ami hmuhmat vai ah m’thein m’kaan nak vai ah a khin ni cu kei am na pek ci nei. Ang tüi avan tüipian ciah Khanpughi naw cau pui pui ung cun ah ak thuuk kau gui cu, a thuh te ah kyak ci.

KOLOSE 4:18

“Paul ah yavaih nak” ciah shin ah ca cu ka mät ah kut kheng awn ka guk nei. M’si gui awn ami na khih nak cu kä nami m’hnih-en vai nei. Khanpughi ah m’gein nak cu nami khan ah om sä, Amen.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.