KOLOSE 4:2 - Cho Bible Common Language 2016

² Taigü nak ung kä nami m’lung-k’si en vai. Lunglang nak awn taigü ne Khanpughi cu nami m’hlüngtai vai.

KOLOSE 4:2 Referans Kwoze

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

EPHESIAN 6:18

Khanpughi ah m’hteihtang nak gah vai ah ng’yoi thäh ne, taigü nak awn shin gui cu nami bi vai nei. Mumcha ah lam shüm ah mäih ah a mawng ama avan ung nami taigü vai nei. Cun ah kyasei nami cimgang cüivai vai, kä nami pyai phung vai, Khanpughi ah chang gui ah hmawk ah angtäi sei nami taigü vai nei.

ROMAN 12:12

Nami ngaih u om ci kya sei nami yeikyai vai, yaica geinvai nak nami aut law ung hnimgein nak om sä, angtäi sei nami k’taigü vai nei.

MATTHE 26:41

Tüihtok nak nami khütnäng nak vai ah taigü ne nami na ngäng vai nei. Mumcha naw ang yak hlü ung phi pumsa thagui kä om ci nei,” cine pyen nak ci.

LUKA 18:1

Cun kawn ah Bawipa Jesuh naw, ang düihpüi gui-am, kä kya düt en ne angtäi ah ami taigü vai ah, m’tumtäng ne m’thei gui ci.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.

SAM 109:4

Kei naw m’hni gui ngä sei phi, na ng’tuk püi ci gui, cun ung phi kei naw ka taigü pe gui ci.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

MAKUH 13:33

Pa Khanpughi amät bäng naw vah hmat ci. Cun ah akhin cu a i yah ung gawk lawk khai ah kä nami mi hmat ci kyasei, ngaih nah ne nami ngäng vai nei, ci m’gang ne nami om vai nei.

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

1 SAMUEL 12:23

Kei ah phäh ah, Bawipa naw ana taa cu, nangmi ah phäh ah kä taigü ba nak awn, ani hnu ng’tuk püi ne kei ka hma nak ah kyak ci. Acun nak vai sü ung, kei naw ka ning m’thein gui vai cu nangmi ah phäh ah nik ci la düng ci nami bi vai ah kyak ci.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.

JOB 15:4

Nami mät ah lam phäh phäh a om ah a kyak ung a u naw Khanpughi kä kyih aa ba khai nei; ani ah a u kä taigü ba khai nei.

LAMKTU 1:14

Ngah mi cu Bawipa Jesuh ah anu Mary lah a hei hnu mi gui ni, a naü gui ni, ashäng shäng a täng ah ng’bum ne k’tai gü ci ci gui.

1 SAMUEL 1:12

Hannah cu k’täi ne aksho Bawipa ah taigü ci, Eli naw ani ah m’gawng cu teng ci.