KOLOSE 4:18 - Cho Bible Common Language 2016

¹⁸ “Paul ah yavaih nak” ciah shin ah ca cu ka mät ah kut kheng awn ka guk nei. M’si gui awn ami na khih nak cu kä nami m’hnih-en vai nei. Khanpughi ah m’gein nak cu nami khan ah om sä, Amen.

KOLOSE 4:18 Referans Kwoze

HEBRU 13:3

Thawng kium ci gui cu ngami awn a täng ah thawng nami kium tuk ciah mäih ah ngai ne nami shüm gui vai nei. Zaica geinvai ci gui cu ngami awn a täng ah yaica geinvai ah mäih ah ngai ne, nami shüm gui vai nei.

2 TIMOTHI 4:22

Bawipa cu na mümcha awn a täng ah om sä, Khanpughi ah chimgein nak cu nami van ah khan ah om sä.

1 TIMOTHI 6:21

Chang amshah gui cu hmuhmat ci gui ah ami ngaih nak awn, yum nak ah lam cu hma ci gui nei. Nami van ah khan ah Khanpughi ah chimgein nak om sä.

1 KORIN 16:21

Ka mät ah kut awn, “Paul ah yavaih nak” cine ka hei guk nei.

HEBRU 13:25

Khanpughi ah chimgein nak cu nami van ah khan ah om sä.

TITUS 3:15

Kei awn a täng ah kami om ciah chang gui naw ning yavaih nak ci gui nei. Yum nak ung teihpüi gui-am ning yavaih nak ah mawng m’thein tu ba gui ä. Khanpughi ah m’gein nak cu nami van ah khan ah om “sa.

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

PHILIPPIAN 1:7

Kei naw cun ah nangmi ah mawng ka ngaihtüh cu ng’düng ci, a i ah kya sei ci ung, nangmi naw kei cu nami m’lung awn nami na k’pan na phäh ah kyak ci. Tuk bäi thawng ung ka kyum yah ung la Thu Ni cu a kho k’ding ah pyeinsa ne, ka k’süm pyan yah ung nangmi cu, Khanpughi naw ana peit ah akhin k’ni ung, nami bilawh tu ah hmawk ah phi kyak ci.

2 THESSALONIAN 3:17

Shin cu kamät naw ka kut awn ka guk nei, ‘Kei Paul naw ka ning yavaih na gui ci nei.’ Ca guk phung ung a shin ah mäih ah ka guk ci nei. Shin cu kei ah ca guk ah mawng ah kyak ci.

KOLOSE 4:3

Keimi ah hmawk ah phi nami taigü vai. Cun ung Khanpughi naw keimi-am a khin k’ni cu na pe gui sei, keimi naw ng’yih ciah Bawi Khrit ah mawng, ng’Thu Ni cu kami shui khai. Acun ah hmawk ah kei cu tuhbäi chü thawng ung ka kium ci nei.

ROMAN 16:23

Kei na khinchah nak ci, khritha gui naw ami pum nak im nak ciah Kaius naw phi ning yavaih na gui ci nei. Gawmang ah nguimküm, Erastus la mi phäi nau Kuartus naw phi ning yavaih na gui ci goi nei.

ROMAN 16:20

Mi dinggei nak ah ng’yung ah kyak ciah Khanpughi naw Satan cu ang ghit ah m’hnoi ne nami khophaa k’ka ah gawk sak khai nei. Mi Bawipa Jesuh ah m’geinsei nak cu nang mi ah khan ah om sä. (Am shah naw shin ah ca kyawng cu nawng shüt ci.)

ROMAN 16:22

Kei, Tertius, naw shin ah ca cu läk ne ka guk nei, kei naw phi Khritha yaviah nak cu ka ning m’khäh law gui ci nei.