KOLOSE 4:10 - Cho Bible Common Language 2016

¹⁰ Kei awn a täng ah thawng kani kium ciah Aristakas la Barnabas ah ang nam nau Makuh ni naw phi ning yavaih na gui ci gui nei. (Makuh cu nangmi ah a law ung nami na dou vai ah ning m’cäi gui pyi ah kyak ci nei.)

KOLOSE 4:10 Referans Kwoze

PHILIMON 1:24

Kei naw a täng ah kami bi ghawm ciah Makuh, Aristakas, Demas la Luka gui naw phi acun ah yeikyai ne yavaih nak pyein ci gui nei.

2 TIMOTHI 4:11

Luka bäng kei awn kani om ci nei. Makuh cu khü ne khah law püi baä, Ani cu kei ah bi nak ung na hun shawih hning khai nei.

LAMKTU 19:29

Gawnu avan pülüük ne thüngkyüng u ne, chang gui naw Paul ah ng’gui püi goi, Macedonia ah kaa, Kaius la Aristakas cu pha goi u ne gaw ng’lung im nu ah hteh püi goi ci gui.

LAMKTU 27:2

Keimi cu Asia kho tuinu kem, pigaw päng ung hteit khai ah, Adramyttium ah kaa lawk ciah htinpaw ung kai tuk u ne, k’täi ne kami hteit ci. Thessalonika ah kaa Macedonia chang, Arista kas cun phi keimi awn kami ng’gui ci.

LAMKTU 20:4

Berea ah kaa Pirrhus ah hta Sopater, Thessalonia ah kaa Aristakas la Sekuntus, Derbe ah kaa Kaius, Asia kho ah kaa Tichikus la Trophimus, la Timothi gui cu ani awn ng’gui tuk ci gui.

LAMKTU 12:12

Cun ah a hmat law ba kawn ah ani cu Johan Makuh ah nu Mari ah im ah hteit ci. Cun ah im ah chang akda ng’cut ne taigü ci gui.

1 PETER 5:13

Nangmi ah mäih ah Khanpughi naw a ghü gui ah Babilon khrithabum gui naw phi ning yavaih nah gui ci gui nei, ka hta Makuh naw phi ning khaih na gui ci nei.

ROMAN 16:7

Andronikas la Juniasr cun phi ka yavaih na goi ci nei. Ngah ni cu kei awn a täng ah thawng kyum ci goi ah Jew chang goi ah kyak ci: ngah ni cu ang düihpüi gui ah ng’lung ah chang khli naw hmat goi sei, kei ah kä yum tu pha ung Khritha ah kya pyi ci goi ah kyak ci.

ROMAN 16:2

Khanpughi ah chang gui ah mi kyak ci kya sei ani cu Bawipa ah ming awn nami dou vai nei. Nami m’hteihtang tu vai a hlü ah a kyak ung nami m’hteihtang tu vai nei. Ani cu chang akda m’hteihtang tuk ciah teihpüi k’ni ah kyak ci, kei phi nam hteihtang tuk ci.

LAMKTU 13:13

Paul la a paw gui cu Paphos gawnu ungka htinpaw awn Pamphilia kho, Perka gawnu ah gawk ci gui. Acun ung Johan Makuh naw nawng gui shüt ne Jerusalem ah hteit ba ci.

LAMKTU 4:36

Saipras khaw ah ka Levit ah ng’shon Josef, ang düihpüi gui naw barnabas (shawih khem tuk ciah ming ci) ah ami khü ah chang tumat cu om ci.

LAMKTU 13:5

Ngahni cu Salamis ah gawk ni netah Judah gui ah pum im ung Khanpughi ah thu pyein ci goi. Johan Makuh cun phi ani bi bi lawh püi gui ne ng’gui tuk ci.

LAMKTU 12:25

Barnabas la Soul cu ani bi ng’pyi law sei Johan Makuh khah püi ne Jerusalem ah law ba ci goi.

PHILIMON 1:23

Bawi Khrit Jesuh ah hmawk ah kei awn a täng ah thawng ung kium ciah Epaphras naw, yeikyai ne yavaih nak ning m’shäk law gui ci nei.