KOLOSE 3:8 - Cho Bible Common Language 2016

⁸ Tuhbäi nangmi naw m’lungshe nak, beishet nak la thüigen nak ah amawng gui cu avan nami phiawn nak vai. Ashekha la amsheshai cu nami m’gawng m’lei ung kä lut-en law sä.

KOLOSE 3:8 Referans Kwoze

EPHESIAN 4:29

Thu she shaikaa api phi nami shai ung kä lut-en law sä, m’gein nak ah thu bäng lut law sä. Ng’awi gi nak, thamah nak la m’shümthein nak ah thu bäng nami pyein vai nei, cun ung vah ngai yak ci gui ah chang ah phäh ah ni kyom nak om khai.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

EPHESIAN 5:4

Ng’li ng’pyaan nak, ng’plahtaang nak, shaila lalei nak ah ng’thu phung kä nami pyein vai nei. Cun ah mäih ah thu nak vai sü ung Khanpughi bäng nami m’kümto vai nei.

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)

EPHESIAN 4:26

Nami m’lung a shet law ah a kyak ung phi, nami m’lung she nak cu cheishoh nak ung kä gawk en sä, nami m’lung she nak cu hni naw kä luh-en püi sä.

HEBRU 12:1

Mikmi ah hmawk ah saksi khai ah chang akda naw nak koi gui ci. Cun ah kyasei mikmi na tüihtook gui ci phung la na shum gui ne mikmi ung kawp ciah shetkat nak phung cu nawtpet netah malam ah ng’bü nak ung gawk vai ah k’tha nakcang ne mi dawng khai nei.”

NG'THU K'THUUK~ 29:22

M’lungshe aih ciah chang naw ng’tukvok nak la khüikha nak akda awt ci.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

1 PETER 2:1

Nami shetkat nak avan ng’hlah ta u ne, kä hleeihlak ne, kä thuvi ne, käm thüi m’khang ne, kä nawmpang kä ng’plah taang ne nami om vai nei.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.

1 KORIN 3:3

A i ah kyasei ci ung nangmi cu khomdek chang gui ah om ah mäih laih laih ah vah nami om ci. Tumat la tumat nami m’thüikhang ci, nami ng’vawng’shang ci, cun ah nami om naw khomdek chang gui ah mäih düt ah nami om cu m’dang ciah kä kya ne-ang?

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

SAM 37:8

Kä na mi ng’ä ng’ai vai, kä nami m’lung she vai, ng’ä ai m’lung she nak cu, khüikha nak ah kyak ci.

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

ROMAN 13:13

Mikmi cu akdei ung om ciah chang gui ah mäih ah ak ni ah mi om ih khai nei; auk tat nak, om k’she nak, plet beng nak, lü ng’aa nak, ng’tuk ng’ah nak, m’thüi m’khang nak gui cu avan mi nawng yawp khai nei.

NG'THU K'THUUK~ 17:14

Ng’vook shan nak ah ng’tun nak cu tuikbum a pawk hlü ah maih ah kyak ci. Ak dam ah ka ng’vook pha ung cun cu nawng vai.

JUDE 1:8

Acun ah mäih ah Khanpughi kä yum ciah chang gui cu kyak ci gui. Ngami cu ami mät ah muimang awn ami pumsa cu shetkat sak ci gui. Khanpughi ah huham cu a i ah kä sui u ne, hlüngtai ciah khan chang cu päipih ci gui.

2 PETER 2:18

Ngahmi naw shetkat nak ungka phyawng law thai ciah chang gui cu, khähghah ne thuvi nak ah ng’thu la pumsa ah ng’yak hlü hlimtui nak gui awn k’däk ne lam hma sak gui ci gui.

JAMES 2:7

Ngahmi cu nangmi naw nami dou ah ming k’ni cu sawngkhei ci gui nei.

1 TIMOTHI 1:20

Acun gui ung Himenaeus la Alexander phi om tuk ci goi. Shin ah mawng naw m’theithang gui sei, nangmi naw Khanpughi ami shetkat nak ami nawng vai ah, kei naw ngami cu Satan ah kut ung ka ap gui ci.

KALATIAN 5:26

Mikmi cu chang ah kä ng’shei vai, tumat la tumat kä ngetngawng vai, kä m’thüikhang vai.

KALATIAN 5:20

a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

THU PHLAAN 16:9

Chang gui cu cun ah ng’ling aih ci naw ui law gui khätah, leigaai gui ah khan ah a huham om ciah Khanpughi cu m’shetkat ne ng’thu ci gui. Cun ung phi ngami cu ami katnak ung phi kä ng’yu ba u ne, Khanpughi phi kä m’kümto ci gui.

NG'THU K'THUUK~ 19:19

Chang tumat cu amlung a sou ah a kyak ung, acun ah a phu cu ma na sak va. Cumbawng nak ungka ani cu hnu at na khui tu ah a kyak ung, leng ba ne na m’htei tu vai nei.

JUDE 1:13

Ngahmi cu m’naw ne ng’hnauk ciah tuinu awn phi täng ci gui, tuinu ng’hnauk ah am vom ah mäih ah, ngami ah lü ng’aa nak vai ah ami om ih cu dang ci nei. Ngami cu a hteh nak vai ah lam kä om ciah aisi awn phi täng ci gui. Ngami ah hmawk ah Khanpughi naw thuuk ne ak hmüp nak pi k’bäih ung, angtäi sei ami om nak vai ah hmun cu m’hnüt pe gui ci.

2 PETER 2:7

Cun ung phi chang shekha gui ah om ah cheishoh ciah chang k’ni Lot cu phiawn sak ci.

EPHESIAN 4:25

Cun ah kyasei kä nami hleeihlak-en ba vai, mikmi cu Bawi Khrit ah pumsa ung a täng ah mi lukyum yawp ci kyasei, yum ciah chang gui tumat la tumat düng ciah thu bäng nami pyein vai nei.